Waamini wajitolea kujenga Kanisa Tabora

-


KASI ya ujenzi wa Kanisa la Parokia ya Familia Takatifu Ipuli Jimbo Kuu Katoliki Tabora unaendelea kwa kasi huku waamini wa parokia hiyo wakitarajia kuukamilisha ujenzi huo kwa muda uliopangwa.
Akizungumza na Gazeti hili Paroko wa Parokia hiyo Padri Ponsiano Kibobera amesema wamefikia uamuzi wa kujenga Kanisa hilo yakiwa ni matokeo ya ongezeko la kasi la idadi ya waamini hali iliyosababisha Kanisa la zamani kutokabiliana na ongezeko hilo.
Padri Kibobera ameliambia Gazeti hili kuwa Kanisa linaloendelea kujengwa ni matunda ya kazi ya waamini wenyewe bila kupata msaada wowote toka nje hali inayoonesha ukomavu wa Imani waliyoipokea miaka mingi iliyopita.
Aidha amesema wana parokia wamejipangia kulijenga Kanisa kwa utaratibu wa jumuiya ndogondogo na vikundi mbalimbali vya vyama vya kitume.
Kanisa hilo litawapatia waamini fursa ya kujipatia eneo zuri, tulivu la wao kufika kwa ajili ya kusali, kuomba, kumsifu na kumshukuru Mungu.
Padri Kibobera amesema mpaka sasa ujenzi wa Kanisa hilo umegharimu kiasi cha shilingi milioni 147, 000, 0000 za kitanzania.  Kanisa hilo lipo katika hatua  ya msingi, na hadi linakamilika litagharimu shilingi Bilioni 2 za kitanzania.
Parokia ya Familia Takatifu Ipuli ilianzishwa mwaka 1972 na kukamilika mwaka 1983 chini ya uongozi wa mapadri wa shirika la Wajezuiti waliokuwa na makao yao hapo Tabora.
Kanisa hilo likikamilika litakuwa na uwezo wa kuchukua waamini 2500 waliokaa kwa wakati mmoja.


Comments

  1. UnknownThursday, September 09, 2021 9:28:00 AM

    NIMEFURAHI KULIONA KANISA HILO KIUKWELI IPULI IMEKUWA KWA KASI SANA NA KANISA TULILOKUWA TUKITUMIA LILIKUWA DOGO, NA HAPO TULISHAHAMA KUTOKA MISUFINI AMBAPO NDIO KANISA LA PAROKIA LILIPOKUWA AWALI NA NDIO KANISA LANGU NILILOBATIZIWA , KANISA AMBALO LINAENDELEA KUTUMIKA NALO NILIWEZA KUPATIA SAKRAMENTI YA KIPAIMARA NAWAPONGEZA WANA FAMILIA WOTE YA IPULI KWA KAZI KUBWA MLIYOIFANYA MUNGU AWAONGEZEE MLIPO PUNGUZA. NAITWA JULIUS LUSWAGA WA KIGANGO CHA MAGEREZA PAROKIA YA IPULI KWA SASA NIPO PAROKIA YA WATAKATIFU WOTE NZUGUNI JIJINI DODOMA

    ReplyDelete

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more