Liganga yanufaika na Mradi wa Maji Mtiririko

-




JUMLA ya shilingi milioni 270 zimetumika kukamilisha mradi wa maji ya mtiririko katika Kata ya Liganga mkoani Ruvuma.
Akihubiri katika Misa Takatifu wakati wa sherehe za uzinduzi wa mradi huo wa maji, Padri Dominikus Nyoni ambaye ni Paroko wa Parokia ya Liganga Jimbo Kuu Katoliki Songea amesema kuwa jamii nzima ya Kata ya Liganga haina budi kumshukuru Br. Dr Ansigar OSB kwa kufadhili mradi huo wa maji.
Amesema Br. Dr Ansigar OSB kwa muda wa miaka 30 amekuwa akifanya kazi kubwa ikiwemo ya kuiongoza hospitali ya Peramiho kama Mkurugenzi wa hospitali hiyo. Amefafanua kuwa, Br.Dr Ansigar OSB amejishughulisha kuongeza majengo ya hospitali na kuongeza idadi ya madaktari katika hospitali hiyo.
Ameongeza kuwa licha ya kazi yake ya udaktari Br.Dr Ansigar OSB amejitahidi kuwaletea wananchi wa Tarafa ya Ruvuma maendeleo ikiwemo upatikanaji wa huduma ya maji safi na salama.
Aidha katika sherehe hizo za uzinduzi wa maji ya mtiririko Br.Dr Ansigar OSB ametoa baiskeli kumi na tatu {13} kwa wahudumu wa afya msingi majumbani ili ziwasaidie katika kutoa  huduma za afya katika vijiji  vya Tarafa ya Ruvuma na amegawa vyeti kwa wahudumu wapya 25 wa afya msingi majumbani.
Kwa upande wake Br. Dr Ansigar OSB amesema kuwa kwa kiasi kikubwa magonjwa mengi yamepungua kama vile magonjwa ya ngozi, malaria, kuhara, Ukimwi na kifua kikuu. Katika sherehe hizo ametoa wito kwa wananchi kujiunga na mpango wa Bima ya Afya, na ameahidi mwaka huu kuendelea kuchimba pampu nyingine nane {8} katika kata zote zilizopo katika Tarafa ya Ruvuma.
Akizungumza kwa niaba ya serikali, Kaimu Mkurugenzi wa Halmashauri ya wilaya ya Songea Bwana Venance Komba amesema serikali inatambua mchango wa Br. Dr Ansigar OSB kwa wananchi wa Tarafa ya Ruvuma. Amesema serikali itahakikisha inasimamia na kuvitunza vyanzo vyote vya maji ili huduma hiyo ya maji ya mtiririko iweze kuwa endelevu.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more