Benki ya Mkombozi kutoa gawio Julai

-
Benki ya Biashara ya Mkombozi inatarajia kutoa gawio kwa wanahisa wake kuanzia mwezi Julai mwaka huu.
Mwenyekiti wa Bodi ya Benki hiyo, Bw. Method Kashonda amesema wametoa ratiba ya utoaji wa gawio kama ilivyoelekezwa na Soko la Hisa la Dar es Salaam (DSE), hivyo wanatoa gawio kuanzia tarehe 6 Julai mwaka huu.
Kutokana na ratiba hiyo amesema tarehe ya kutangaza gawio ni Mei 27 mwaka huu ambayo itafuatiwa na ununuaji wa hisa pamoja na gawio kuanzia Mei 27 hadi Juni 15.
Mwenyekiti huyo ambaye alikuwa akizungumza katika mkutano mkuu wa benki hiyo ambao uliwaleta pamoja mamia ya wanahisa Jijini Dar es Salaam, amesema ununuzi wa hisa bila gawio utaanza tarehe 16 Juni mwaka huu.
“Kufungwa kwa kitabu cha orodha ya wanahisa ni Juni 20 mwaka huu na kufungua tena kitabu cha orodha ya wanahisa ni Juni 21 mwaka huu,” amefafanua Mwenyekiti huyo.
Amesema pia baada ya hatua zote hizo kukamilika, wanahisa wanatarajiwa kupokea gawio lao kuanzia Julai 6 mwaka huu.
“Gawio litalipwa moja kwa moja kwenye akaunti ya mwanahisa au kwa kupitia M-Pesa, Airtel Money au Tigopesa,” amesema Mwenyekiti na kuongeza kuwa benki hiyo imetangaza gawio la shilingi 20 kwa kila hisa.
Mkurugenzi Mtendaji wa benki hiyo Bi. Edwina Lupembe akielezea utendaji wa benki kwa kipindi kilichoishia tarehe 31 Disemba 2016, amebainisha kuwa benki hiyo ilifanikiwa kukusanya amana za jumla ya shilingi bilioni 102.55 na kutoa mikopo na karadha ya jumla ya shilingi bilioni 73.80. Jumla ya Rasilimali za benki zilifikia shilingi bilioni 128.17 ikilinganishwa na shilingi bilioni 111.31 iliyokuwepo mwaka 2015.
“Hadi kufikia mwaka 2016, miaka minane baada ya kuanzishwa benki hiyo ilikua na matawi 6 na vituo vya kutoa huduma za kifedha viwili katika mikoa mitano ya Tanzania. Benki hii ilipata faida baada ya kodi ya shs. Bilioni 1.04 mwaka 2016,” amesema.
Benki ya Biashara ya Mkombozi ilianzishwa mwaka 2009 na Kanisa Katoliki Tanzania na taasisi zake kwa madhumuni ya kusaidia wafanyabiashara wadogo, wa kati na wakubwa kupata huduma za kifedha. 
Ili kutanua wigo zaidi, waanzilishi wa benki hiyo walitoa nafasi kwa watanzania wengine wakiwemo wafanyabiashara na wawekezaji kununua hisa zake ili kuongeza nguvu.

Benki ya Mkombozi ina matawi matano na vituo viwili vya huduma za kifedha katika mikoa ya Dar es Salaam, Bukoba, Moshi, Mwanza na Morogoro.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more