Miaka 100 ya Upadri: Maelfu Geita kushuhudia maajabu Nyamatongo

-





Maelfu ya wakazi wa mkoa wa Geita, wakiwemo wakristo na waamini wa dini mbalimbali zikiwemo dini za asili wanatarajiwa kushuhudia maajabu ya kituo cha Hija cha msalabani Nyamatongo katika Parokia ya Nyantakubwa Jimboni Geita, ambapo ndani yake wataadhimisha misa Takatifu itakayoongozwa na Askofu wa Jimbo Katoliki Geita Mhashamu Flavian Kassala.

Wakristo wakatoliki wanafanya Hija hiyo kuanzia Jumamosi hii wakiadhimisha miaka 100 tangu kuwapata mapadri wa kwanza waafrika kutoka Kanda ya Ziwa, na pia miaka 150 tangu ukristo uingie Tanzania Bara. Eneo la Nyamatongo limesifika siku nyingi kutokana na msalaba ulioachwa na wamisionari tangu mwaka 1880-81 wakijaribu kuanzisha misheni hapo japokuwa haikufanikiwa.

Miongoni mwa masimulizi yaliyoenea hapo na kuwavuta watu wengi kutamani kufika hapo ni kifo cha ajabu cha Padri Andreas Combarieu, aliyefia hapo kwa homa ya ini, na kwa amri ya Mtemi Rwoma wa Karumo, alitupwa ziwani katika kisiwa cha Juma, usiku, lakini asubuhi yake wakamkuta anaelea ufukweni.

Wakazi hao, wakiwemo waamini wa dini zingine wamepanga kwenda kuona hicho kinachowavuta wakristo wengi kumiminika kila siku eneo hilo na kushinda huko kuanzia asubuhi hadi joni wakipanga mawe na kutengeneza barabara kwa ajili ya kuandaa tukio kubwa la misa Takatifu itakayofanyika jumamosi hii.

Akizungumza na Gazeti hili, Paroko wa Parokia ya Nyantakubwa jimboni Geita Padri George Nkombolwa amesema tukio hili ni fursa ya kuwajenga kiimani waamini wa Geita, lakini hata wafuasi wa dini nyingine wana hamu kubwa ya kuona  jinsi wakatoliki wanavyoheshimu msalaba wa Yesu na hivyo kuamua kulitunza eneo la msalabani.

Padri George Nkombolwa ambaye pia ni Mkurugenzi wa Uchungaji jimboni amesema kuwa Nyamatongo ni Mlango wa imani kwa kanda ya ziwa, kwani hapo walikaa mapadri watatu, Augustine Levesque, Ludovick Girault na Andreas Combarieu wa shirika la wamisionari wa Afrika (White Fathers) waliokuja na  msafara wa kwanza mwezi Desemba mwaka 1878 wakaenda Uganda, na baada ya kukataliwa Uganda, walikuja Karumo wilayani  Sengrema na wakakaa hapo Nyamatongo msalabani.

Miongoni mwa mambo wanayofanya wakristo wa Parokia ya Nyantakubwa katika maadhimisho hayo ni pamoja na kujenga makumbusho (MUSEUM) itakayotoa masimulizi juu ya Padri huyo Andreas Combarieu na mapadri walioishi hapo

Comments

  1. AnonymousSaturday, June 11, 2022 8:03:00 AM

    Ama hakika ni chanzo Bora kuenea kwa Imani kwa Kanda ya ziwa na tunamshukuru sana fr.George kwa kujitoa kwake kuhakikisha eneo hilo linaendelea kimiundombinu ambayo itakidhi mahitaji ya mahujaji wote kwa Jimbo la Geita .Ee Mungu uibariki Imani katoliki

    ReplyDelete

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more