KIONGOZI MBIO ZA MWENGE ALIPONGEZA KANISA KATOLIKI

-



Kiongozi wa mbio za Mwenge kitaifa mwaka 2017 Bw. Amour Ahmad Amour amelipongeza Jimbo Katoliki Ifakara kwa kuendeleza mradi wa Ujenzi wa Hospitali ya Good Samaritan kwa ajili ya matibabu ya wagonjwa wa Kansa iliyopo katika Halmashauri ya mji wa Ifakara.
Bw. Amour amesema hayo hivi karibuni kwenye Msafara wa Mwenge wa Uhuru ulipofika katika eneo la ujenzi wa mradi huo na kuweka jiwe la msingi ambapo ujenzi huo unatarajiwa kukamilika kabla ya mwezi Desemba mwaka huu.
Aidha Kiongozi huyo wa mbio za Mwenge Kitaifa kwa mwaka huu amesema kuwa kukamilika kwa Hospitali hiyo kutasaidia watu wengi kupata huduma kwa urahisi kwani huduma zitakuwa zikitolewa bila malipo  ambapo wananchi wengi wenye matatizo ya Kansa kutoka maeneo yote nchini watahudumiwa bure wakiwa hospitalini hapo.
“Nawapongeza sana na nawaomba msichoke kufanya vitu vizuri kama hivi, kwani kukamilika hapa kutasaidia wananchi wa Ifakara, Kilombero, Morogoro na Tanzania nzima tena kuna watu wengine watatoka kwetu Zanzibar kuja hapa na tunawaomba muwapokee,” amesema Amour.
Pia Amour amewataka wananchi wote wa Halmashauri ya Mji wa Ifakara na Wilaya ya Kilombero kwa ujumla kuunga mkono jitihada zinazofanywa na Kanisa Katoliki kwa kuwezesha huduma mbalimbali hususani za afya kwa jamii.
Katika Risala iliyosomwa na Padri Jerish Geory kwa niaba ya Jimbo Katoliki Ifakara, amesema kuwa  mradi huo ulianza mwaka 2015 na unatarajiwa kukamilika mwishoni mwa mwaka huu.
Aidha ameeleza lengo la mradi huo kuwa ni kutoa matibabu kwa wananchi wa hali ya chini ambao hawana uwezo wa kwenda kupata matibabu katika hospitali mbalimbali zilizopo mikoa ya mbali.


Risala hiyo pia ilibainisha utekelezaji wa mradi kuwa mradi huo kuwa mpaka kukamilika kwake unatarajiwa kuwa na majengo 11 ikiwa ni pamoja na wodi 4, jengo la utawala, jengo la mapokezi, jengo la mikutano, chumba cha upasuaji pamoja na miundombinu mingine ya msingi,  ambapo mpaka sasa zaidi ya Majengo 9 yapo katika hatua za umaliziaji.
Naye  Mkuu wa Wilaya ya Ulanga aliyemwakilisha Mkuu wa Wilaya ya  Kilombero Bwana Jacob Kasema amesema kuwa anathamini uwepo wa Jimbo Katoliki na kuomba makanisa mengine kuunga mkono jitihada mbalimbali ili kusaidia kupunguza changamoto za afya,  elimu na maji kwa jamii. 

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more