Miaka 100 ya Upadri/ 150 ya Uinjilishaji: Waamini watakiwa kuvienzi vituo vya ukuaji wa Imani

-


Wakristo nchini wametakiwa kujali na kuthamini vitovu  na vyanzo vya ukuaji wa imani katika majimbo mbalimbali nchini ili kuimarisha uinjilishaji.

Wito huo umetolewa na Padri Cosmas Makasi parokiani Kate katika Kanisa la Jiweni Kamba wakati wa maadhimisho wa mwaka wa mapadri kijimbo na Hija iliyohusisha mapadri wote wa Jimbo Katoliki Sumbawanga iliyofanyika hivi karibuni.

Padri Makasi amesema kuwa katika kuadhimisha Jubilei ya miaka 150 ya ukristo na miaka 100 ya upadri ni vyema wakristo hasa waamini wakatoliki kuheshimu misingi na vitovu vya imani vilivyoanzishwa na mapadri weupe (White Fathers) na kuviendeleza.

“Ni wajibu wetu wakristo wakatoliki nchini kote tunapoadhimisha jubilei ya miaka 150 ya imani yetu na miaka 100 ya mapadri kutunza na kuendeleza maeneo, miradi, makanisa na huduma mbalimbali walizoziasisi watangulizi wetu ambao walitufanya kuitambua imani na kwa kufanya hivyo tutakua tunatunza kumbukumbu ya imani yetu kwa vizazi vijavyo katika historia ya Kanisa," amesema padri Makasi.

Maadhimisho ya miaka 100 ya upadri jimboni Sumbawanga yamefanyika katika Kanisa la kwanza kujengwa jimboni Sumbawanga ambalo limependekezwa kuwa Kanisa la Hija lililopo maeneo ya Jiweni Kamba mwambao mwa ziwa Tanganyika lililopo katika parokia ya Kirando jimboni Sumbawanga.

Akihitimisha Kongamano hilo la mapadri lililojumuisha mapadri wa Jimbo Sumbawanga, Mwenyekiti wa mapadri jimboni humo padri Joachim Sangu amesema kuwa katika kila mwaka   kupitia Dominika ya Moyo Mtakatifu wa Yesu jimboni Sumbawanga ni siku ya  mapadri kijimbo ambapo hufanya Hija, mafungo na mikutano ya ndani vyote vikiwa na lengo la kutakatifuza mapadri ili waweze kujitakasa na kwenda kuwatakasa waamini na kuendeleza huduma za kichungaji Jimboni.

"Tumeamua kufanya Kongamano hili katika maeneo haya ya Jiweni Kamba mahali ambapo ndipo kiini cha ukristo jimboni Sumbawanga kwa kuwa na Kanisa la kwanza, nyumba za watawa na mapadri, kwa ufupi tumekuja huku kufanya Hija yetu na mafungo kwa sababu Kanisa linaadhimisha miaka 150 ya ukristo na 100 ya upadri, hivyo tukijua kuwa chanzo cha upadri Jimboni Sumbawanga ni maeneo haya na mapadri weupe wengi wamelala hapa, hivyo kwa neema sala na maombezi ya mama Bikira Maria msimamizi wa Jimbo letu atujalie mastahili katika utume wetu kwa Kanisa," Amesema Padri Sangu.

Jimboni Sumbawanga, Jiweni Kamba ni sehemu ambapo Kanisa la kwanza lilijengwa baada ya kusimikwa kwa mbegu ya imani zamani ikijulikana kama Jimbo la Kalema kabla ya kugawanywa kwa Jimbo Sumbawanga na Jimbo Katoliki Mpanda.

Sehemu hii yenye historia nyingi katika ukuaji wa mkoa wa Rukwa na Kanisa la Sumbawanga imependekezwa kuwa sehemu ya Hija kijimbo ili kukumbuka na kuendeleza mbegu ya imani iliyopandwa na mapadri weupe nchini Tanzania na hasa kwa Jimbo.








Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more