Halmashauri ya Walei Sumbawanga waaswa kushirikiana

-






WAAMINI wa Jimbo Katoliki Sumbawanga wamefanya ufunguzi wa Jubilei ya miaka 50 ya kituo cha Halmashauri ya Walei na vyama vya kitume jimboni humo.

Akiongoza mamia ya waamini katika uzinduzi wa jubilei ya kituo cha walei jimboni Sumbawanga iliyofanyika hivi karibuni sambamba na sikukuu ya mashahidi wa Uganda katika Kanisa la Katandala lililo katika jengo hilo la walei, Askofu wa Jimbo Katoliki Sumbawanga  Mhashamu Damiani Kyaruzi amesema kuwa  kituo cha walei jimboni humo ni cha kwanza katika majimbo yote tangu kupandwa kwa mbegu ya imani nchini Tanzania.

Askofu Kyaruzi  amesema kuwa Kanisa lilikabidhiwa mikononi mwa walei toka Mtaguso wa pili wa Vatikani juu ya hati ya harakati za kitume, majukumu na wajibu wa walei ambapo kwa misingi hiyo walei ni mitume na wamisionari, kwa maana hiyo Kanisa ni la walei huku  makreli na watawa wakiwa ni wahudumu tu ndani ya Kanisa.

Aidha Askofu Kyaruzi amekemea tabia ya viongozi mbalimbali pamoja na walei katika Kanisa wanaopinga na kukwamisha juhudi za maendeleo zinazofanywa na vyama vya kitume katika kwa sababu mbalimbali ambapo ametoa kauli mbiu ya jubilee ya walei inayosema “Ni wajibu wetu kufundishana imani, kufundishana imani ni wajibu wetu”.

“Kwa namna zozote zile asiwepo padri yeyote, mtawa wala mlei mwenyewe anayeweza kuzuia na kuzima maendeleo na shuguli za walei katika Kanisa,” Amesema Askofu Kyaruzi.

Akieleza historia ya kuanzishwa kwa huduma za walei jimboni Sumbawanga Mkurugenzi wa walei  jimboni Padri Didas Nandi amesema kuwa kituo hicho kilianza mwaka 1967 na Mkurugenzi wa kwanza wa utume wa walei na vyama vya kitume padri Gerald Nolf kwa idhini ya Askofu wa kwanza mzalendo hayati Mhashamu Kalolo Msakila.

“Kituo kimekuwa kikitoa  huduma mbalimbali za kiroho na kimwili kwa walei kama vile ibada na misa, semina, mikutano, makongamano na sherehe mbalimbali za ndoa, kipaimara pamoja na huduma za malazi kwa walei wanaotoka maeneo mbalimbali ya Jimbo na nje.” Amesema padri Nandi.

Wakieleza changamoto mbalimbali zinazokwamisha kusonga mbele ya shughuli mbalimbali za kimaendeleo za walei, Mwenyekiti wa jubilei hiyo Joachim Luis amesema kuwa ushirikiano duni wa maparoko, viongozi wa parokia na jumuiya ni moja ya sababu zinazozorotesha na kukwamisha mipango ya walei katika Jimbo.

Kamati mbalimbali zimeanzishwa jimboni humo kusaidia kufufua imani kwa waamini, kuimarisha utume wa walei jimboni, ili kusimamia maendeleo ya walei ndani ya Jimbo ikiwa ni pamoja na ujenzi wa jengo jipya la walei litakalokuwa na ghorofa 3 huku likikadiriwa kugharimu kiasi cha shilingi bilioni nne (4), ambapo tayari ujenzi huo umekwisha kuanza.








Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more