REDIO MARIA YASHEREHEKEA MIAKA 21 YA UINJILISHAJI MAKINI

-


Vyombo vya Mawasiliano vya Kanisa nchini, vimeshauriwa kuwa makini katika kuandaa na kutangaza habari zake, ili kuepuka kutoa habari ambazo zinaweza kuipotosha jamii, badala yake viandike habari za kuimarisha mahusiano mema na zenye mashiko.
Wito huo umetolewa na Askofu wa Jimbo Katoliki Mbeya Mhashamu Evarist Chengula (I.M.C) wakati akifungua rasmi Hija Takatifu kwa Mahujaji, wanaoshiriki Hija kuelekea Sherehe za Miaka 21 ya Redio Maria Tanzania, inayoendelea katika ukumbi wa shule ya Sekondari ya wasichana Loleza Mkoani Mbeya.
Askofu Chengula amesema kuwa suala la kutangaza Habari kwa njia ya vyombo mbalimbali ni hamu ya Kristo mwenyewe, kutawanya habari zake katika ulimwengu wote, jambo ambalo hata wakristo wa kwanza walifanya kazi hiyo ya kupeleka habari njema katika nyakati zao.
Amesema kuwa Redio Maria Tanzania ilianzishwa hapa nchini kutokana na msukumo uliotolewa kwenye Sinodi ya kwanza ya Afrika yenye kuhamasisha utangazaji wa habari njema kwa njia ya vyombo vya habari katika nchi za Afrika na ulimwengu mzima.
Aidha Askofu Chengula amewataka wakristo, marafiki na wadau wa Redio Maria Tanzania, kumshukuru Mungu na kufurahi kwa pamoja katika kufanya sherehe za miaka 21, tangu kuanzishwa kwa Redio hiyo na kwamba uwepo wake umedhihirisha kweli Sauti ya Kristo katika jamii, pamoja na makundi mbalimbali ya wahitaji kwa kuwapatia Habari njema.
Kwa Upande wake Mkurugenzi wa Matangazo Redio Maria Tanzania Padri John Maendeleo, CSSp, amebainisha kuwa wadau wa Redio hiyo hapa nchini, waendelee kujitoa kwa hali na mali katika kuhakikisha wanashiriki katika uendeshaji wa chombo hicho ili Injili inayohubiriwa mahali hapo iwafikie walio wengi zaidi huku akiwaalika kushiriki maadhimisho ya miaka 21 tangu kuanzishwa kwa Redio hiyo hapa nchini.
Hija hiyo iliyoanza Juni 27 mwaka huu itamalizika Julai 2, imewashirikisha mahujaji wapatao 150, kutoka katika Majimbo ya Singida, Mpanda, Zanzibar, Mtwara, Iringa, Ifakara, Mbinga, Moshi, Jimbo Kuu Katoliki Arusha, Mwanza, Songea, Dar es Salaam na wenyeji Jimbo katoliki Mbeya.
Mahujaji hao wamepata nafasi ya kushiriki semina mbalimbali kutoka kwa mapadri ambapo Padri Cyrilo Mwalyolyo ambaye ni Mkurugenzi wa Walei Jimbo Katoliki Mbeya, ametoa mada inayohusu Nafasi ya Mlei katika Kanisa, padri Lucas Wakuganda, akatoa mada inayohusu Mkristo na Visakramenti huku padri Frank Mnyema akatoa mada ya Mkristo na Ushirikina na padri Thelesphory Mtweve akatoa Mada ya Mkristo na Uchumi.
Mbali ya kufunga na Kusali, Mahujaji hao wamepata nafasi ya kutembelea maeneo ya Hija ikiwa ni pamoja na kupanda Mlima Loleza, kwenye Kimondo huko Mbozi na Daraja la Mungu huko Kiwira.
Kilele cha Maadhimisho ya Miaka 21 ya Uinjilishaji wa Radio Maria Tanzania, kinatarajiwa kufanyika Julai 2 mwaka huu, katika Kanisa Kuu la Kiaskofu la Mtakatifu Anthoni Padua, lililopo Mbeya Mjini ambapo mgeni rasmi anatarajiwa kuwa Waziri Mkuu Mstaafu Bw. Mizengo Kayanza Peter Pinda.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more