MTWARA: MASHIRIKA YA KITAWA YAASWA KUSHIRIKIANA

-





Mashirika ya kitawa yanayofanya kazi jimboni Mtwara, yametakiwa kudumisha ushirikiano, uelewano na kuvumiliana wakati yanapotekeleza wajibu wao wa maisha ya kitawa.

 Wito huo umetolewa hivi karibuni na Askofu wa Jimbo Katoliki Mtwara Mhashamu Askofu Titus Mdoe, wakati wa adhimisho la misa takatifu ya nadhiri za daima na za muda kwa masista watatu wa shirika la masista wabenediktini wa Bikira Maria Msaada wa wakristo Ndanda iliyofanyika katika Kanisa la Bikira Maria Msaada wa Wakristo abassia ya Ndanda.

Askofu Mdoe amesema utume wao wa kitawa uwasaidie wafanye kazi kwa umoja ili wapate mafanikio, kwani ni umoja pekee ndio silaha muhimu itakayoleta matunda bora ya kazi.

“Mtawa ameitwa kwa nafasi yake ndani ya jumuiya ya kitawa na tunatakiwa tuilinde tunu hii ili tupate mafanikio,” amesema Askofu Mdoe. 

Amewataka watawa hao kila mmoja apende wito alioitiwa sambamba na kupalilia mahusiano na maelewano miongoni mwao na jumuiya zingine za kitawa. 

Katika nafasi hiyo amewahimiza watawa wote kuendelea kupanda miito, kuheshimu miito yao na kuheshimu maisha ya jumuiya. 

Masista waliofunga nadhiri za kwanza ni Sr. Maria Veronica Chiledi OSB na Sr. Maria Makrina Ngole OSB na nadhiri za daima Sr. Maria Glads Mkundachuma ASB




Kwa upande wake mama mkuu wa shirika hilo la Bikira Maria Msaada wa Wakristo Ndanda, Sr Maria Calitas Swai OSB ameomba wazazi, ndugu na jamaa kuwaombea waliofunga nadhiri, huku akisisitiza wazazi kuwatoa vijana wao katika miito.

Na Jimmy Mahundi, Mtwara

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more