DESEMBA 9 RASMI SIKU YA KULIOMBEA TAIFA....

-
KUFUATIA kutolewa kwa kibali kutoka kwa Baba Mtakatifu, Desemba 9 ya mwaka 2016 na ya kila mwaka, ambayo ni kumbukumbu ya siku ya uhuru wa Tanganyika,  imeidhinishwa kuwa ni siku maalum ya kufanya Misa Takatifu ya kuliombea Taifa la Tanzania.
Hayo yameelezwa na Katibu Mkuu wa Baraza la Maaskofu Katoliki Tanzania (TEC), Padri Raymond Saba, ambaye ametoa rai kwa waamini nchini kutumia fursa hiyo kwa ajili ya kusali kujiombea wenyewe na kuiombea Tanzania na viongozi wake.
“Kuanzia Desemba 9 ya mwaka huu na kuendelea, tutaanza kufanya Ibada maalum ya kuliombea Taifa letu. Tutakuwa na Misa Takatifu ambayo imeratibiwa rasmi kwa kibali cha Baba Mtakatifu, kwa ajili ya kuliombea Taifa letu lililowekwa chini ya ulinzi wa Mama Bikira Maria. Hivyo nitoe wito kwa waamini, tukutane makanisani tusali, kujiombea sisi wenyewe na Taifa letu. Tuanze adhimisho hili kwa sala” ameeleza Padri Saba.
Akielezea sababu za kuchaguliwa kwa Desemba 9 kuwa siku ya kuombea Taifa, siku ambayo ni kumbukumbu ya uhuru wa Tanganyika, Padri Saba amesema kuwa mara baada ya Tanganyika kupata uhuru wake mwaka 1961, Baba Mtakatifu Yohane XXIII aliandika sala kwa ajili ya kuliombea Taifa la Tanzania  na alilikabidhi Taifa hilo chini ya ulinzi wa Bikira Maria.
“Na ikumbukwe kuwa mwaka 1984 Papa Yohane Paulo II alitoa hati maalum kwa ajili ya Kanisa la Tanzania, kwamba linaweza siku hiyo ya Desemba 9, tunapofanya kumbukumbu ya uhuru wetu, tufanye adhimisho kwa heshima ya Mama Maria ambaye amewekwa kuwa mlinzi wa Taifa letu” amesema.
Aidha ameongeza kuwa kwa hati hiyo ya mwaka 1984 Baba Mtakatifu ameipatia Tanzania uwezo na mamlaka ya kuwa na Ibada maalum ya Misa Takatifu ya Masifu kwa ajili ya heshima ya Mama Bikira Maria, mlinzi na msimamizi wa Taifa la Tanzania.
Kufuatia taarifa hiyo, Padri Saba ametoa rai kwa wakristo wakatoliki, kila mara kumkimbilia Mama Maria ili aweze kuilinda Tanzania na kuiepusha na laana na balaa zinazoweza kuikabili.
Pia amewaasa watanzania kutumia fursa hiyo kuwaombea viongozi wa serikali, vyama na wa dini ili wadumu katika kutenda haki na kumthamini kila mtu.
 “Tuwaombee viongozi wetu wawe na hekima, busara na upendo. Kila aliye kiongozi, awe wa serikali, vyama na dini, adumu katika misingi ya haki inayojenga amani” ameongeza.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more