“Utandawazi uwe na kiasi” Ask. Msonganzila

-
Askofu wa Jimbo Katoliki Musoma Mhashamu Michael Msonganzila amewakumbusha watawa na mapadri kuweka mipaka ya dhati kati yao na  Mungu, na kuacha kutumia muda mwingi katika utandawazi huku kiapo chao kikiwa ni uaminifu, unyeyenyekevu na kuwa na maisha ya sala.

Askofu Msonganzila ameyasema hayo wakati wa ibada ya kufunga lango la Huruma iliyofanyika katika Kanisa la Kiabakari ambapo mahujaji  kutoka sehemu mbalimbali wamefika kanisani hapo, kwa ajili ya kumshukuru Mungu kwa mambo mengi aliyowatendea katika kipindi chote cha kuadhimisha ibada Takatifu ya Huruma ya Mungu.

Askofu Msonganzila amesema utandawazi unaonekana kuwachukulia muda mwingi baadhi ya mapadri na watawa hadi kusababisha muda wa maisha ya sala  ya kila siku kupungua kutokana na kutumia muda mwingi katika utandawazi ambapo amewasihi kujitahidi kuepuka mazingira yoyote ambayo yanaweza kuwa kikwazo kwao na kuwafanya kutokuwa karibu na Mungu.

“ Kiapo chenu ni uaminifu kwa Mungu ukichanganya maisha hayo mliyonayo itakuwa ni masikitiko makubwa sana,wekeni mipaka ya dhati kati yenu na mitandao,  kwa kuongeza maisha ya sala kila siku na kupokea  Huruma ya Mungu kwa kusaidiana ninyi kwa ninyi, kutoachana na kuheshimiana ninyi wenyewe,” amesema Askofu Msonganzila.

Amesema kuwa ni kitu cha msingi sana kuacha dhambi  na pia hakuna sababu ya kuona aibu kuiacha, kwa kuwa  dhambi imekuwa kikwazo kikubwa kwa watu wengi kutoingia mbinguni, hivyo kuna kila sababu ya kuiacha na kuwa karibu na Mungu  kwani  mara nyingi watu wameonekana wema, wapole, wenye unyenyekevu  kwenye jumuiya na kanisani  kumbe  upole huo na utakatifu huo unafunikwa kwa ngozi ya kondoo ndani ni simba huku moyoni ikiwa  imejaa chuki, ubinafsi na uchoyo.

Aliongeza kuwa mapadri na watawa hawana budi  kuepuka roho za chuki, hasira, ubinafsi bali  wajitahidi kuonja huruma ya Mungu kila mahali, hasa sehemu za kazi kwa kudumisha upendo wa kweli  katika maisha yao ya kila siku.


Paroko wa parokia ya Kiabakari Padri Woicheck amemshukuru Baba Askofu wa Jimbo hilo kwa kukubali parokia yake kuwa kituo kikubwa cha Hija  ambacho kina lengo la kupokea makundi mbalimbali ya mahujaji kutoka ndani na nje ya Jimbo ya Musoma.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more