SIKU YA HAKI YA MTOTO DUNIANI

-

Baba Mtakatifu Francisko hivi karibuni wakati wa Katekesi yake aliwataka wadau mbali mbali katika Jumuiya ya Kimataifa yaani familia na taasisi mbali mbali kuhakikisha kwamba watoto wanalindwa na kuendelezwa ili kamwe wasitumbukie wala kutumbukizwa katika nyanyaso na utumwa mamboleo. Ni matumaini yake kwamba, Jumuiya ya Kimataifa italinda haki msingi za watoto ikiwa ni pamoja na uhai wao, elimu, afya na malezi bora, ili kuwa na matumaini ya leo na kesho iliyo bora zaidi.
Jumapili tarehe 20 Novemba 2016 Jumuiya ya Kimataifa inaadhimisha Siku ya Haki ya Mtoto Duniani na Jijini Roma, kunaadhimishwa siku hiyo, ikiwa ni kumbukumbu ya Mkutano mkuu wa mwaka 1989 wa Umoja wa Mataifa kupitisha makubaliano ya haki msingi za watoto. Haki hizo ni pamoja na kutobaguliwa, haki ya kuzaliwa na kuishi, haki ya kukua, na haki ya kusikilizwa.
Tangu mwaka 1988 Shirika la Misaada la Kanisa Katoliki nchini Italia, Caritas Roma imekuwa na harakati za kusaidia watoto walio katika hali ngumu za maisha. Kwa miaka hii, kiasi cha watoto 7,850 wamepata huduma katika nyumba za kuhudumia wahitaji na katika familia. Kwa sasa Caritas Roma ina Nyumba 3 kwa ajili ya watoto wadogo kabisa na Nyumba 2 kwa ajii ya vijana wadogo. Pamoja na watoto wa asili ya Italia kuhudumiwa katika makazi hayo, kuna wengi wanaohudumiwa ambao ni watoto wahamiaji na wakimbizi wanaoingia Italia bila wazazi wala walezi, asilimia kubwa ni kutoka nchi ya Misri.
Kwa siku ya maadhimisho ya kimataifa ya haki za watoto, Caritas Italia imeandaa Nyaraka kwa ajili ya kutetea haki msingi za watoto wahamiaji ambao hawakusindikizwa na yeyote walipoingia nchini Italia. Caritas Italia wanasisitiza kutetea haki za watoto hao kwa kuzingatia machafuko ya nchi wanakotoka, ugumu wa maisha na matumaini yao kwa siku za usoni. Kwa muda wa juma zima, Caritas Italia itaendesha warsha katika vituo vyake vya watoto wahamiaji Jijini Roma, kwa wafanyakazi, watu wakujitolea na wadau wote wenye kutetea haki za watoto. Katika warsha hizo, kutakuwa pia na ushuhuda kutoka kwa baadhi ya watoto hao.
Na Padre Celestine Nyanda
Idhaa ya Kiswahili, Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more