Kard.Pengo: Kufunga Mwaka wa Huruma ni kufungua milango ya msamaha

-
ASKOFU Mkuu wa Jimbo Kuu Katoliki Dar es Salaam Mwadhama Polycarp Kardinali Pengo amesema kuwa, kufunga Yubilei ya Huruma ya Mungu ni kufungua upya Huruma ya Mungu kwa wanadamu.
Mwadhama ameeleza hayo hivi karibuni wakati wa Misa Takatifu ya kufunga Yubilei ya Huruma ya Mungu katika Jimbo Kuu Katoliki Dar es Salaam katika Kanisa Kuu la Mtakatifu Yosefu.
“Tumefunga mwaka wa Huruma ya Mungu, ikiwa ni kufungua upya mahusiano yetu na Mungu. Ni kufungua milango ya Huruma ya Mungu kwetu sisi wanadamu na mahusiano kati ya mwanadamu na mwanadamu. Kujitambua kwamba sisi ni wakosefu na kwamba tunahitaji Huruma ya Mungu kwa unyenyekevu, "amesema Kardinali Pengo.

Aidha Kardinali Pengo amewaasa waamini kuwa, Yubilei ya Huruma ya Mungu kilikuwa kipindi cha kujifunga, kutafakari Huruma ya Mungu. Hivyo kufunga mwaka huo Mtakatifu haimaanishi kutupilia mbali Huruma ya Mungu, bali kuiishi kwa matendo yanayoonyesha kuwa wanatambua Huruma hiyo.
“Injili ya Luka inaonesha mfano wa watu wawili, mfarisayo na mtoza ushuru. Mfarisayo alijiona hahitaji Huruma ya Mungu hivyo ana mastahili zaidi kuliko mtoza ushuru. Akajigamba akisema anamshukuru Mungu kwani hayuko kama mtoza ushuru . Anasali, anafunga kuliko wenzake, mwishowe akarudi nyumbani akiwa hana haki mbele ya Mungu.
Mtoza ushuru alijiona mnyonge asiye na mastahili mbele ya Mungu hivyo akamuendea Mungu akijiona hana sifa ya kukaa mbele ya Mungu akaomba Mungu amsamehe dhambi zake. Yesu anasema aliondoka akiwa na haki mbele za Mungu zaidi kuliko mfarisayo.

Hiyo ndiyo maana ya Yubilei ya Huruma ya Mungu. Kujiona kuwa hatuna mastahili mbele ya Mungu. Tunahitaji kuomba Huruma ya Mungu na wanadamu wenzetu. Kuwa tayari kuomba msamaha na kutoa msamaha. Kuipa thamani Sakramenti ya kitubio.

Milango ya msamaha inafunguliwa upya katika Kanisa kwa ajili ya maisha yetu yote.
Kuja mbele ya Mungu na kusema, Ee Mungu unihurumie mimi ni mwenye dhambi. Anayejiona kinyume na hilo ni mfarisayo na anaishi kinyume bila neema ya Mungu,"ameeleza Kardinali Pengo.

Amewaasa waamini kuwa na huruma ya kuwasamehe wengine hasa wale waliowakosea vikubwa zaidi. Amesema kuwa kusamehe kunampa mwanadamu nafasi ya kuona kuwa hata yeye anahitaji kuhurumiwa na Mungu na wengine.

 
Amewaasa mapadri kuwa tayari kutoa Sakramenti ya kitubio kila siku na kwa muda wowote kwani milango ya Huruma ya Mungu imefunguliwa upya kwa wanadamu.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more