SECAM KUIJADILI FAMILIA KWA MAPANA!

-

Shirikisho la Mabaraza ya Maaskofu Katoliki Afrika na Magadascar, SECAM, Jumanne tarehe 19 Julai 2016 limeanza maadhimisho ya mkutano mkuu wa 17 unaowashirikisha wajumbe 150 kutoka ndani na nje ya Bara la Afrika. Mkutano huu unafunguliwa kwa Ibada ya Misa Takatifu kwenye Kanisa kuu la Familia Takatifu Jimbo kuu la Luanda, Angola. Mkutano huu utafungwa rasmi hapo tarehe 25 Julai 2016.
“Familia Barani Afrika: Jana, Leo na Kesho kadiri ya mwanga wa Injili” ndiyo kauli mbiu inayoongoza maadhimisho haya ili kuweza kupembua kwa kina na mapana sera na mikakati itakayotumiwa na familia ya Mungu Barani Afrika ili kuimarisha utume wa familia mintarafu Wosia wa Kitume uliotolewa na Baba Mtakatifu Francisko “Furaha ya upendo ndani ya familia”. Wajumbe wa SECAM wanajadili tema hii kadiri ya mazingira ya familia ya Mungu Barani Afrika.
Kamati tendaji ya SECAM iliyowasili mjini Luanda, Jumatatu tarehe 18 Julai 2016 lilifanya kikao cha maandalizi ya mkutano mkuu wa 17 wa SECAM. Familia ya Mungu Barani Afrika anasema Askofu mkuu Thomas Msusa wa Jimbo kuu la Blantyre, Malawi inataka kuonesha mshikamano wa dhati katika kulinda, kutetea na kudumisha Injili ya familia. SECAM inataka kuwa na sauti moja ili kutekeleza dhamana na utume wake wa kinabii dhidi ya ukosefu wa haki msingi za binadamu, ili hatimaye, kulinda utu na heshima ya binadamu.
Ni mkutano ambao pia unapenda kuimarisha SECAM kwa hali na mali, ili iweze kutekeleza dhamana na majukumu yake barabara, tayari kumkaribisha Khalifa wa Mtakatifu Petro katika maadhimisho ya Jubilei ya miaka 50 tangu kuanzishwa kwa SECAM kunako mwaka 1969 wakati Mwenyeheri Paulo VI alipotembelea Bara la Afrika kwa mara ya kwanza katika historia ya Kanisa. Itakumbukwa kwamba, mkutano mkuu wa SECAM, mara ya mwisho uliadhimishwa kuanzia tarehe 8- 15 Julai 2013 huko Kinshasa, nchini DRC kwa kuongozwa na kauli mbiu “Kanisa Barani Afrika kwa ajili ya huduma ya upatanisho, haki na amani”.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more