MSEMAJI MKUU VATICAN ANG'ATUKA

-

Baba Mtakatifu Francisko ameridhia ombi lililowasilishwa kwake na Padre Federico Lombardi, SJ., la kutaka kung’atuka kutoka madarakani kama msemaji mkuu wa Vatican. Baba Mtakatifu amemteua Dr. Greg Burke, kuwa msemaji mkuu wa Vatican. Kabla ya uteuzi huu, Dr. Burke alikuwa ni msemaji msaidizi wa Vatican. Wakati huo huo, Baba Mtakatifu amemteua Dr. Poloma Garcìa Ovejero kuwa msemaji msaidizi wa Vatican. Uteuzi wa viongozi hawa wawili unaanza hapo tarehe 1 Agosti 2016.
Itakumbukwa kwamba, Dr. Gregory Joseph Burke alizaliwa tarehe 8 Novemba 1959 huko St. Louis, Marekani. Akasoma katika shule za Wayesuiti na kuhitimu masomo yake kunako mwaka 1983 katika Fasihi kutoka Chuo Kikuu cha Colombia, New York, Marekani, baadaye akajiendeleza katika tasnia ya Uandishi wa habari, huku akijiunga na Shirika la Kazi ya Mungu, “Opus Dei”.
Kwa miaka mingi alikuwa ni mwandishi wa habari wa “United Press International” huko Chicago, “Reuters” na Jarida la “Metropolitan” hadi pale alipotumwa mjini Roma kama mwandishi wa Jarida la “National Catholic Register”. Kunako miaka 1990 alianza kushiriki katika kuandika makala kwenye Jarida la “Time” na mwakilishi wa Time kiasi cha kufanikiwa kwa Mtakatifu Yohane Paulo II kunako mwaka 1994 kutangazwa na Jarida hili kuwa ni Mtu maarufu sana kwa mwaka huo.
Kuanzia mwaka 2001 alianza kuandika habari kama mwakilishi wa Kituo cha Televishen cha Fox News kutoka Roma. Na kunako mwaka 2012 akateuliwa kufanya kazi katika Sekretarieti kuu ya Vatican kama mtaalam mshauri wa masuala ya mawasiliano ya jamii. Kuanzia tarehe 21 Desemba 2015 akateuliwa kuwa ni Msemaji msaidizi wa Vatican.
Wasifu wa Dr. Paloma Garcìa Ovejero unaonesha kwamba, alizaliwa tarehe 12 Agosti 1975 huko Madrid, Hispania. Kunako mwaka 1998 akajipatia shahada ya uzamili katika tasnia ya habari kutoka Chuo kikuu cha Complutense, Madrid, Hispania. Kajiendeleza zaidi katika taaluma ya mikakati ya mawasiliano kwenye Chuo kikuu cha New York Marekani. Kuanzia mwaka 1998 alikuwa ni mwandishi wa habari katika kituo cha “Cadena Cope, Radio Espanòla kama Mhariri mkuu.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more