Ask. Ruzoka: Vijana ni mashahidi wa imani

-
ASKOFU Mkuu Paul Ruzoka wa Jimbo Kuu Katoliki Tabora amewaasa waamini wa Parokia ya Kipalapala kuishi maisha ya Upendo na moyo wa ustahimilivu katika familia zao.
Ametoa rai hiyo hivi karibuni alipoadhimisha Ibada ya Misa Takatifu na kutoa Sakramenti ya Kipaimara kwa watoto 112 parokiani hapo
Akitoa mahubiri katika Misa hiyo Askofu Ruzoka amewaomba watoto na vijana waliopewa Sakramenti hiyo kuishi maisha ya kusameheana, kwani katika maisha ya pamoja kuna uwezekano mkubwa wa kutofautiana, hivyo inapotokea kukoseana na chuki jambo la msingi ni kusameheana na kuanza maisha upya.
Akifananisha dhambi ya wana wa Israeli na kosa alilofanya Mfalme Daudi, Askofu Ruzoka amesema kuwa hao walitenda dhambi lakini hawakukata tamaa, bali  walitubu. Amewaasa waamini kukimbilia huruma ya Mungu pale wanapotambua kuwa wametenda dhambi.
“Hata kama tukitenda dhambi sisi siyo wa kwanza wala wa mwisho. Sisi ni viumbe dhaifu, hivyo kutenda dhambi kupo, cha msingi ni kuchukua hatua baada ya kutenda dhambi.  Tusipende kutulia katika maisha ya dhambi” ameeleza Askofu Ruzoka.
Aidha Askofu Ruzoka amewaonya watoto na vijana hao kujiepusha na dhambi ya ubaguzi, na kuwa hawapaswi kuwatofautisha binadamu wenzao kwa misingi ya chimbuko lao kwani hakuna myahudi wala myunani, bali wote ni wa Mungu.
Askofu Ruzoka pia amewataka watoto hao waende kuwa mashahidi wa Imani, wajiepushe na chuki, masengenyo, waende wakamshuhudie Kristo katika mazingira yao.
Pia amewaasa watoto na vijana hao kufanyia kazi ndoto zao, wasiishi kwa mapigo ya moyo bali waishi kwa malengo katika maisha yao.
Ibada hiyo pia imehudhuriwa na Paroko wa Kipalapala Padri Thomas Mambo, Gombera wa Seminari Kuu Kipalapala Padri Herman Kachema, Kaimu Gombera Padri Philipo Ntulama, na Padri Andrea Mlele, mlezi wa vijana nyumba ya malezi Kipalapala.   


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more