JUBILEI YA MIAKA 50 YA SECAM KUADHIMISHWA KAMPALA,UGANDA 2019

-

Shirikisho la Mabaraza ya Maaskofu Katoliki Afrika na Madagascar, SECAM, Jumapili tarehe 24 Julai 2017  limehitimisha mkutano wake wa 17 huko Luanda, Angola kwa Ibada ya Misa Takatifu. Mkutano wa 18 utaadhimisha Jimbo kuu la Kampala, Uganda, kunako mwaka 2019, SECAM itakapokuwa inaadhimisha Jubilei ya miaka 50 tangu kuanzishwa kwake.
Askofu mkuu Gabrieli Mbilingi amechaguliwa tena kuwa Rais wa SECAM kwa awamu ya pili mfululizo. Makamu wa Rais ni Askofu Anton Sithembele Sipuka kutoka Jimbo Katoliki la Umtata, Afrika ya Kusini. Askofu mkuu Charles G. Palmer-Bucker amechaguliwa kuendelea kuwa ni mweka hazina wa SECAM wakati Askofu Emmanuel Badejo ataendelea kuwa ni Mwenyekiti wa Tume ya Mawasiliano ya SECAM, ijulikanayo kama CEPACS.
Wajumbe wengine wa Kamati ya kudumu ya SECAM ni pamoja na Askofu mkuu Samuel Kleda kutoka Jimbo kuu la Douala, Cameroon anayewakilisha Shirikisho la Mabaraza ya Maaskofu Katoliki Afrika ya Kati, ACERAC pamoja na Askofu mkuu Thomas Msusa wa Jimbo kuu la Blantyre, Malawi anayewakilisha Shirikisho la Mabaraza ya Maaskofu Katoliki Afrika ya Mashariki na Kati, AMECEA.
Itakumbukwa kwamba, mkutano wa 17 wa SECAM huko Luanda, Angola ulikuwa unaongozwa na kauli mbiu ”Familia Barani Afrika: Jana, Leo na Kesho kadiri ya Mwanga wa Injili” Mada hii ililenga kwa namna ya pekee, kuibua mbinu mkakati wa utume wa familia Barani Afrika kwa kuzingatia Wosia wa kitume uliotolewa na Baba Mtakatifu Francisko ”Furaha ya upendo ndani ya familia” ”Amoris laetitia”.
Wajumbe wamejadili pamoja na mambo mengine changamoto zinazoendelea kuzikabili familia Barani Afrika pamoja na kutafuta mbinu mkakati wa kuinjilisha familia ili kweli familia ziweze kusimama kidete kulinda, kutangaza na kushuhudia Injili ya familia.  Kardinali Philippe Ouedraogo amekazia umuhimu wa kuimarisha SECAM ili iweze kuihudumia familia ya Mungu Barani Afrika kwa umakini mkubwa zaidi.
Wajumbe wa SECAM wameangalia changamoto zinazoendelea kujitokeza katika ulimwengu wa mawasiliano na utandawazi katika maisha na utume wa familia Barani Afrika. Majadiliano ya kidini na kiekumene; demokrasia, utawala bora na wa sheria; hali ya kisiasa na kiuchumi Barani Afrika; ukosefu wa amani na usalama huko Sudan ya Kusini na Burundi. Wajumbe pia wamepata nafasi ya kusikiliza taarifa kutoka katika Tume na vitengo mbali mbali vya SECAM.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more