ZINGATIA HAYA BAADA YA MWAKA WA HURUMA YA MUNGU

-

Kardinali Mauro Piacenza, Mhudumu mkuu wa Idara ya Toba ya Kitume katika hotuba yake elekezi kwa mafunzo ya ndani ya wahudumu wa Sakramenti za huruma ya Mungu na kwa namna ya pekee Sakramenti ya Upatanisho  hapo tarehe 14 Machi 2017 na yanatarajiwa kufungwa hapo tarehe 17 Machi 2017 anasema, maadhimisho ya Mwaka Mtakatifu wa Jubilei ya huruma ya Mungu yameacha utajiri mkubwa katika maisha na utume wa Kanisa. Huu ni utajiri ambao unapaswa kuendelezwa mbele katika maisha na utume wa Kanisa mahalia. Kumekuwepo na ari na mwamko mkubwa kwa waamini kukimbilia tena kiti cha huruma ya Mungu kwa njia ya Sakramenti ya Upatanisho.
Waamini wamejitahidi kushuhudia imani yao kwa Kristo na Kanisa lake kwa njia ya matendo ya huruma: kiroho na kimwili; kuna waamini ambao wameguswa kutoka katika undani wa maisha yao kiasi hata cha kukimbilia na kuambata huruma ya Mungu kwa toba na wongofu wa ndani, leo hii ni watu wapya wanaotembea katika mwanga wa huruma na neema ya Mungu! Lakini, Kardinali Piacenza anakaza kusema, si rahisi sana kuweza kuorodhesha mafanikio yaliyopatikana katika maadhimisho ya Mwaka Mtakatifu wa Jubilei ya huruma ya Mungu, jambo la msingi ni kumshukuru Roho Mtakatifu aliyeliwezesha Kanisa kusoma alama za nyakati na kutenda kwa hekima na busara.
Toba na wongofu wa ndani ni mchakato unaomwezesha mwamini kuwa karibu na Mwenyezi Mungu tayari kuonja huruma na upendo wake usiokuwa na mipaka, kwani hapa Mwenyezi Mungu anaugusa undani wa maisha ya mwanadamu. Huruma ya Mungu inamwezesha mwanadamu kukumbuka kwamba, ameumbwa kwa sura na mfano wa Mungu na kwamba, katika maisha yake, anakabiliwa na changamoto zinazopaswa kufanyiwa kazi, vinginevyo anaweza kuelemewa na udhaifu wake wa kibinadamu. Huruma ya Mungu ni dawa pekee inayopyaisha tena maisha ya mwanadamu na hivyo kumpatia mwelekeo mpya.
Kardinali Piacenza anasema, katika maadhimisho ya Mwaka Mtakatifu wa huruma ya Mungu, waamini wamegundua kwa mara nyingine tena kwamba, mwanadamu na mahitaji yake msingi: kiroho na kimwili ni jukwaa la watu kukutana na kusaidiana; sanjari na kushikamana katika huduma makini inayojali na kuguswa na  mahangaiko ya watu wengine. Kwa njia hii, waamini wanaweza kuondokana na utandawazi usiojali wala kuguswa na mahangaiko ya jirani zao; ubaridi wa imani; kutopea katika imani na hatimaye mwamini kujikuta akiyatukuza na kumezwa na malimwengu! Kumbe, mt una utu wake; mahitaji yake msingi ni kielelezo cha utukufu wa Mungu.
Kardinali Piacenza baada ya maadhimisho ya Mwaka Mtakatifu wa Jubilei ya huruma ya Mungu anapenda kukazia mambo makuu matatu: wongofu wa kimissionari wenye uwezo wa kutangaza na kushuhudia matendo makuu ya Mungu katika maisha ya mwanadamu kwa uhuru zaidi unaobubujika kutoka kwa Roho Mtakatifu. Jambo la pili ni majiundo ya awali na endelevu, ili kuwasaidia waamini kutambua dhana ya huruma ya Mungu inayomwilishwa katika uhalisia wa maisha ya watu! Kumbe, waamini wanapaswa kuelimishwa ili kuweza kuitambua na kuimwilisha ili kweli huruma hii iweze kuwa ni dira na mwongozo wa maisha yao. Jambo la tatu ni kuwa waaminifu katika huduma ya huruma na upendo inayovuka mipaka kwa kuwa na mwelekeo mpana zaidi unaowakumbatia na kuwaambata walimwengu wote.
Kwa upande wake, Monsinyo Krzystof  Nykiel, Hakimu wa Idara ya Toba ya Kitume, moja ya vitengo vya kale kabisa ndani ya Kanisa Katoliki amefafanua kwa kina na mapana lengo kuu la Kanisa ni kwa ajili ya wokovu wa roho za watu “Salus animarum”. Kumbe, Mahakama ya Toba ya Kitume ni mahakama ya huruma ya Mungu inayotoa  huduma kwa wahudumu wa Sakramenti ya Upatanisho na waamini wanaokimbilia huruma na upendo wa Mungu katika maisha yao; watu wanaotaka kujipatanisha na Mungu, Kanisa pamoja na jirani zao, tayari kutembea katika mwanga wa Kristo mfufuka! Majiundo makini ya wahudumu wa Sakramenti ya Upatanisho ni kati ya vipaumbele vinavyotolewa na Mama Kanisa kwa wakati huu, ili kuwawezesha kuwa na nyenzo msingi katika huduma ya huruma ya Mungu kwa waja wake.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more