Siku ya Wanawake Duniani,Kitaifa kufanyika kila baada ya miaka mitano

-
KILA mwaka Machi 8, Watanzania wataungana na nchi wanachama wa Umoja wa Mataifa, katika kuadhimiasha Siku ya Wanawake Duniani lakini Serikali ya Tanzania imesema sherehe hizo kitaifa zitafanyika kila baada ya miaka mitano.
Taarifa iliyotolewa hivi karibuni na Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Sihaba Nkinga,  wakati akizungumza  na waandishi wa habari katika Ofisi ya Wizara hiyo iliyoko Chuo Kikuu cha Dodoma ilisema kuwa,
Maadhimisho hayo kwa mwaka huu yatafanyika katika ngazi ya mkoa kufuatia uamuzi wa Serikali wa mwaka 2005 kuwa yatakuwa yanafanyika kitaifa kila baada ya miaka mitano.
"Uamuzi wa kuadhimisha siku hii kitaifa kila baada ya miaka mitano,  ulikusudia kutoa nafasi kwa Serikali yenyewe na wadau wengine kuweza kupima mafanikio ya shughuli za maendeleo ya wanawake, changamoto zilizoko na kuweka mikakati ya utatuzi wa changamoto hizo", alisema.
Katibu Mkuu amesema, Kaulimbiu ya Siku ya Wanawake Duniani kitaifa kwa mwaka 2017 inasema  ‘Tanzania ya Viwanda; Wanawake ni Msingi wa Mabadiliko ya Kiuchumi.’ Kaulimbiu hii inasisitiza kuwajengea  wanawake uwezo wa kitaaluma, kibiashara, upatikanaji wa mitaji, masoko na mikopo ili waweze kushiriki kwa usawa, na kunufaika na fursa zilizopo badala ya kuwa wasindikizaji tu.
  Dhamira ya Kaulimbiu ya ‘Tanzania ya Viwanda; Wanawake ni Msingi wa Mabadiliko ya Kiuchumi’ inalenga kuhamasisha jamii na wadau wote nchini kuongeza fursa za kiuchumi kwa wanawake ili kuwawezesha kushiriki na kunufaika na fursa za maendeleo katika kipindi hiki ambapo Tanzania inaelekea katika uchumi wa viwanda.
Kaulimbiu  hii imetoholewa kutokana na Kauli Mbiu ya Umoja wa Mataifa inayosema ‘Women Economic Empowerment in the Changing World of Work’ ambayo kwa tafsiri ya Kiswahili ni ‘Uwezeshaji Wanawake Kiuchumi Katika Dunia ya Mabadiliko ya Kazi.’
Kaulimbiu ya Umoja wa Mataifa inalenga kuzihamasisha Nchi Wanachama wa Umoja wa Mataifa kuwawezesha wanawake kiuchumi ili kuendana na kasi ya mabadiliko ya sayansi na teknolojia katika sekta za umma na binafsi.

Kaulimbiu ya Kitaifa ya Siku ya Wanawake Duniani  ya mwaka huu imeandaliwa kwa kuzingatia Mazingira ya Nchi yetu; vipaumbele vya kimaendeleo na dhamira ya dhati ya Serikali ya Awamu ya Tano ya kuifanya Tanzania kuwa nchi ya viwanda na uchumi wa kati.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more