“Kufunga siyo fasheni” Askofu Mkude

-


ASKOFU wa Jimbo Katoliki Morogoro Mhashamu Telesphor Mkude amewaasa waamini kuachana na matendo maovu katika kipindi hiki cha Kwaresma na badala yake wajitahidi kufanya mema yanayompendeza Mwenyezi Mungu kwa uthabiti wa moyo na nia njema.

Askofu Mkude amesema hayo katika waraka wake maalumu wa kichungaji katika kipindi cha Kwaresma akiwahimiza waamini kujitoa sadaka kwa kufunga na kuwasaidia wengine wenye shida mbalimbali kwa lengo la kuwaonjesha upendo ambao waliukosa.

Aidha Askofu Mkude amesema kuwa Kwaresma  ni kipindi cha kusali, kusoma na kulitafakari neno la Mungu, pia kulitangaza kwa wengine ambapo kwa kufanya hivyo kutasaidia kusimamia misingi ya imani ya Kanisa Katoliki.

“Ni kipindi cha kusali zaidi, kutafakari, kusikiliza na kusoma vitabu mbalimbali ili tuwe na uelewa mpana zaidi, pia kulitangaza kwa wengine ili kuwaangazia nao wamjue Mungu, wampende na kumtumikia na kwa kufanya hivyo kutasaidia kusimamia misingi ya imani yetu vyema,” amesema Askofu Mkude.

Pamoja na hayo Askofu Mkude ameongeza kuwa wapo baadhi ya watu ambao wanaishi maisha ya shida, hivyo kipindi cha Kwaresma ni muda muafaka wa kuwatazama wao ambao wanahangaika kwa kukosa chakula na mahitaji mengine ya msingi.

“Kuna baadhi ya watu wanaishi katika maisha ya shida, hivyo kipindi hiki cha Kwaresma uwe ni muda muafaka wa kuwatazama wenye shida na wanaohangaika kwa kukosa chakula na mahitaji mengine ya msingi na usifunge ili uhifadhi kiwe kingi badaye utumie mwenyewe, hapo utakuwa unajidanganya,” amesema Askofu Mkude.

Hata hivyo ameeleza kuwa mtu yeyote anayepaswa kufunga ni yule ambaye anajitoa kwa moyo kufunga kwa nia njema na wala si kufunga kwa sababu ya kukosa chakula, bali kufunga ni kujikatalia kwa malengo ya kuwasaidia wahitaji.

“Mtu anayepaswa kufunga ni yule ambaye amejitoa kwa moyo kufunga kwa nia njema na si kwa kukosa chakula bali kufunga ni kujikataa kwa malengo ya kuhifadhi na kuwasaidia wahitaji kwa mavazi, chakula na mahitaji mengine muhimu, hivyo tutumie vizuri kipindi hiki kwa kujisafishia njia kwa kutubu pia,” amesema Askofu Mkude.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more