AMECEA yaipongeza Tanzania miaka 150 ya uinjilishaji

-

MWENYEKITI wa Umoja wa wanachama Mabaraza ya Maaskofu Katoliki Afrika Mashariki (AMECEA), Mwadhama Berhaneyesus Kardinali  Souraphiel wa Addis Ababa Ethiopia amelipongeza Kanisa Katoliki Tanzania kwa Jubilei ya miaka 150 ya uinjilishaji akisema ni ukomavu wa imani.
Akizungumza na Gazeti Kiongozi hivi karibuni Addis Ababa Ethiopia, Kardinali Souraphiel amesema kuwa, anafahamu Kanisa Katoliki Tanzania kuwa lina historia ndefu ya imani kuanzia mlango wa Imani Bagamoyo ambapo wamisionari wa Kwanza waliingia na kusimika msalaba.
“Ninawapongeza maaskofu, mapadri wa majimbo na mashirika ya kitawa pamoja na waamini wote kwa kuilinda imani Katoliki ambayo ni tunda la wamisioari wa Kwanza nchini humo.
Changamoto za wamisionari za wakati ule zilikuwa si za kawaida. Ninakumbuka wakati fulani Kardinali Pengo alinieleza mengi kuhusu historia ya Uinjilishaji nchini Tanzania ambayo ina mvuto wa kipekee. Mimi mwenyewe nilishawahi kufika Bagamoyo  kushuhudia asili ya Ukristo Tanzania.
Ninajivunia kuwa imani Katoliki imekuwa imara hadi sasa nchini Tanzania. Ninawaombea waamini wote pamoja na maaskofu kuendelea kuishikilia imani yao bila kujali changamoto mbalimbali ambazo ni sehemu ya utume.
Hongera Kanisa la Tanzania kwa utume. Mtuombee na sisi Kanisa la Ethiopia ambapo bado wakatoliki ni wachache na si kazi rahisi kuinjilisha hapa kwani dini zingine zina waamini wengi kuliko wakatoliki lakini pia ninafarijika kwani mapadri, waamini na maaskofu wanajituma kutekeleza utume wao kama inavyopaswa,” ameeleza Kardinali Souraphiel.
Hata hivyo Kardinali Souraphiel amefarijika warsha ya kuratibu rasilimali kufanyika katika nchi yake na Baraza la Maaskofu Katoliki Ethiopia akisema kuwa ni heshima kwake na kwa waamini pamoja na maaskofu na mapadri nchini humo.
“Tumeshiriki mikutano mbalimbali ya AMECEA Dar es Salaam Tanzania ambapo nilipafurahia, tumeenda Malawi na Kenya kwa mara kadhaa. Hivi leo ninapoona wanahabari na Makatibu wa Idara ya Kichungaji kutoka nchi mbalimbali za AMECEA ninaona furaha ya ajabu.
Hata hivyo iwe ni moja ya maandalizi ya Sinodi ya Maaskofu AMECEA (plenary) itakaofanyika  mwezi Juni mwaka 2018 .
Hii ni mara ya kwanza Sinodi hiyo kufanyika Ethiopia ndiyo maana tuna shauku kubwa na tayari tumeanza maandalizi ya kuwapokea maaskofu zaidi ya 200, viongozi wa serikali, mapadri pamoja na waamini kutoka ndani na nje ya nchi.
Hii inaonyesha umoja na mshikamano katika jamii na ulimwengu wa sasa. Hata Kanisa Katoliki la Ethiopia kwa uchache wao linapata faraja kuwaona ndugu zao wakiwaimarisha kiimani na kufarijika kuwa wana ndugu zao kutoka mataifa mengine,” ameeleza.
Kardinali Souraphiel pia ameeleza kuwa, angefarijika sana kama Papa Fransisko ataitembelea Ethiopia wakati wa safari yake nchini Sudani kwani Ethiopia ni karibu na nchi hizo na waamini wa Ethiopia pia wanahitaji kuimarishwa kiimani na kwamba Ethiopia ni Mji Mkuu wa Umoja wa Mataifa ya Afrika.
“Tayari Umoja wa Mataifa ya Afrika (AU) umemualika Papa kuja Addis Ababa kuzungumza nao pengine yatazungumzwa mengi ambayo yatatatua migogoro katika nchi za Afrika. Ingawa Kanisa la Ethiopia halijamualika Papa lakini tungependa kufanya hivyo ili kama atakubali kufanya mazungumzo na viongozi wa Afrika hapa Addis Ababa nasi tungepata fursa ya kushirikishana naye masuala mbalimbali ya kiimani,” amesema Kardinali Souraphiel.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more