TUTUMIE KWARESIMA KUSAIDIA WAHITAJI- KAMANDA WA JESHI LA POLISI RUKWA

-







Kamanda wa jeshi la Polisi mkoa wa Rukwa Kamishna Msaidizi wa polisi George Simba Kyando amewataka watanzania kutumia vema kipindi hiki cha Kwaresima kwa kuachana na dhambi na badala yake kuwasaidia wahitaji mbalimbali katika jamii.

Akikabidhi msaada wa bidhaa mbalimbali kwa watoto yatima katika kituo cha malezi cha mt. Martin de porres kilichopo katandala kinachomilikiwa na shirika la masista wa Maria Mtakatifu Malkia wa Afrika MMMMMA Jimboni sumbawanga  kwa niaba ya jeshi la polisi mkoani Rukwa kamanda kyando amesema kuwa ni vema jamii ikatambua uhitaji wa vituo vya watoto yatima kwa kusaidia huduma na mahitaji kwa watoto pasipo kujali nafasi za kazi,vyeo,madaraka,hali za maisha dini au siasa kwani wlelewa si wa dini wala kabila
Hatua hii imekuja ambapo jeshi la polisi mkoani rukwa linaadhimisha wiki ya kipolisi mkoa na kwa kipindi hiki cha kwaresima limeona ni vema kutoa mchango kwa watoto yatima.
Akipokea mchamgo huo kutoka jeshi la polisi mama mkuu mlezi wa kituo hicho Sister Scholastika Wampembe amelishukuru jeshi la polisi mkoa wa Rukwa kwa kujali na kuguswa na maisha ya watoto yatima na kutoa wito kwa jamii wananchi,serikali, mashirika ya dini na makampuni binafsi kuendelea kusaidia kwani ni changamoto nyingi zinazowakabili katika malezi ya watoto hao ambapo kwa sasa kina jumla ya watoto 31.

Kituo cha Mt. Martin de pores kilianzishwa mwaka 1963 katika parokia ya mwazye na baadae kuhamishiwa manispaa ya Sumbawanga mnamo mwaka 1974 kwaajili ya kuboresha huduma zake ambapo kinapokea watoto kutoka sehemu mbalimbali ndani ya nchi bila kujali dini,rangi,kabila na Taifa.

Kituo hiki kilianzishwa kwa malengo ya kuwatunza watoto wanaofiwa na mama zao baada ya kuzaliwa, kutunza watoto wanaotelekezwa na mama zao wakiwa wachanga na watoto ambao wazazi wao wana ulemavu wa akili.

Kituo cha kulelea watoto yatima cha martn de pores kinakabiliwa na changamoto mbalimbali zikiwemo ukosefu wa mishahara ya wafanyakazi, huduma za umeme,maji,dawa na huduma zingine za kimalezi kwa watoto yatima

Na Emmanuel Mayunga, Rukwa

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more