Sudani inahitaji msaada wetu nchi za AMECEA: Rais wa AMECEA asisitiza

-
MWENYEKITI wa Umoja wa Wanachama Mabaraza ya Maaskofu Katoliki Afrika Mashariki (AMECEA), Mwadhama Berhaneyesus Kardinali D. Souraphiel, wa Addis Ababa Ethiopia amesisitiza nchi wanachama wa AMECEA kuisaidia Sudani Kusini  kwa sala na majitoleo mbalimbali ili vita vikome nchini humo.
Kardinali  Souraphiel amesema hayo hivi karibuni wakati akifunga Warsha kuhusu namna ya uratibu madhubuti wa rasilimali fedha na watu pamoja na kuandika miradi kwa ufasaha iliyoandaliwa na Idara ya Mawasiliano na Kichungaji AMECEA kwa wanahabari pamoja na Makatibu wa Idara za Uchungaji  nchi wanachama wa AMECEA  iliyofanyika katika Baraza la Maaskofu Katoliki Ethiopia –Addis Ababa kuanzia 9-12 Aprili mwaka huu.
Kardinali Souraphiel amesema kuwa waamini wa Kanisa Katoliki Afrika hususani nchi wanachama wa AMECEA kuguswa na mahangaiko ya waamini wa Sudani na Sudani Kusini kwa kuwapokea wageni kutoka nchi hizo, kuwasaidia kusali na kuhamasisha mazungumzo ya amani.
“Nchi hizi mbili kwa kweli zinahitaji maombi yetu. AMECEA iliweka Tume ya umoja na mshikamano ambayo tayari imeanza kazi. Baadhi ya wajumbe wa Tume tayari alitembelea Sudan Kusini kukutana na kujadili na wadau mbalimbali wa Kanisa na viongozi wa serikali juu ya ujenzi wa amani,” alisema na kuongeza kuwa “Wakati fulani kabla Sudan Kusini haijapata uhuru wao, sisi tulituma wajumbe wakiongozwa na Mwadhama Polycarp Kardinali Pengo wa Tanzania  kwenda katika jimbo la Rumbek kukutana na wawakilishi wawili kutoka serikalini na viongozi wa Kanisa Katoliki ili kujadili namna ya kupata suluhu ya mafarakano.
Wakati Sudan Kusini ilipopata uhuru sisi pia tulimtuma mjumbe mwingine kuonyesha mshikamano wetu. Kwa bahati mbaya miaka miwili baadaye wakarudia vita tena, “Kardinali Berhaneyesus ameeleza.
Aidha amesikitishwa na viongozi wa serikali wa pande zote mbili kukataa mazungumzo ya amani huku wakiendelea kuwatesa wananchi wao hususani watoto, wazee na akina mama.
“Kwa sasa nchi ya Sudani na Sudani Kusini ina idadi kubwa ya wakimbizi hivyo nchi za AMECEA mtoe ushirikiano kadri iwezekanavyo ili kuwapa faraja wenzetu waliopo katika mateso,” amesisitiza.
Hata hivyo amesikitishwa na kukosa wajumbe kutoka Sudani  katika warsha hiyo pevu ya rasilimali akisema hata shughuli za kichungaji zinakwama kwasababu ya vita na mafarakano.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more