Askofu Minde awataka mapadri kuwapa ushirikiano UWAKA Kahama

-


ASKOFU wa Jimbo Katoliki Kahama Mhashamu Ludovick Minde amewataka mapadri  kuwasaidia  wanaume wa Umoja wa Wanaume Katoliki (UWAKA)  kuutambua  umuhimu wao katika kazi za  utume na uinjilishaji ndani ya  Kanisa pia juu ya  kulitegemeza Kanisa kuanzia ngazi ya familia, Jumuiya na Parokia zao.
Askofu Minde ameyasema hayo  katika misa takatifu ya  kuhitimisha  semina ya mafunzo ya siku 5  ya  kiroho na sala kwa  viongozi wa  Umoja wa Wanaume Katoliki ( UWAKA )  Jimbo Katoliki Kahama.
Amesema mafunzo waliyoyapata katika semina hiyo juu ya umuhimu wao katika mambo ya kiroho, sala na utume wao kwa Kanisa yawasaidie kujitambua katika kazi za kitume juu ya kulitegemeza Kanisa.
Amesema nafasi ya UWAKA ndani ya Kanisa ni pana hivyo lazima ionekane kwa kutimiza wajibu wao kwa matendo kuanzia kwenye familia, jumuiya, vigango, kiparokia na kijimbo na kuwataka wawajibike katika kulitegemeza Kanisa kwa sara na kiroho.
Askofu Minde amesema uwepo wa UWAKA ni muhimu sana ndani ya  Kanisa  katika kazi za uinjilishaji na utume wa  sala na kiroho, hivyo  kwa nafasi hiyo wanapaswa wawe wa kuwajibika kwa Kanisa na familia  kwa kutimiza wajibu wao na uonekane wazi.
“Utume wa wanaume wakatoliki ( UWAKA ) siyo wa kisiasa, ni utume wa kiroho ndani ya Kanisa katika kazi  za uinjilishaji kwa sala na lazima uonekane kwa kuchukua nafasi waliyonayo ya  baba kuanzia kwenye familia, Kanisa, katika mambo ya imani ya Kanisa Katoliki,” amesema Askofu Minde.
Askofu Minde amewataka UWAKA kufungua ukurasa mpya katika maisha ya utume wao ndani ya Kanisa kwa sifa na utukufu wa Mungu sababu yupo pamoja nao katika kutekeleza wajibu wa nafasi waliyonayo katika mambo ya kiroho na kimwili.
Akisoma taarifa ya UWAKA ya jimbo baada ya misa Dr.Sostenes Nkombe pamoja na kumshukuru Askofu Minde kwa semina hiyo amekiri kuwa imewapatia ari na uwezo wa kutekeleza majukumu yote yawapasayo wanaume wakatoliki.
Dr.Nkombe amesema katika hitimisho la semina yao wameazimia  kutekeleza malengo 10 ambayo ni sala, uwaka na elimu, uwajibikaji, majitoleo, uaminifu, uwaka na utume wetu, vikao , uchaguzi wa viongozi, uwaka na sensa na uwaka na malezi.
Pia wameahidi kushirikiana kwa karibu na Askofu Minde, mapadri, watawa na vyama vyote vya kitume jimboni Kahama.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more