WAONYESHENI JIRANI ZENU MSAMAHA NA HURUMA YA MUNGU

-

Maaskofu Katoliki kutoka Umbria, Kaskazini mwa Italia wanampongeza na kumshukuru Baba Mtakatifu Francisko kwa kuwatembelea na kuwatia shime ili waweze kuwa kweli ni vyombo vya huruma na msamaha katika ulimwengu mamboleo, Kanisa linapoadhimisha Jubilei ya miaka 800 ya Msamaha wa Assisi. Baba Mtakatifu amekuwa ni kati ya mahujaji walioshiriki maadhimisho haya ambayo yalifungwa rasmi kwa Ibada ya Misa Takatifu hapo tarehe 2 Agosti, 2016.
Baba Mtakatifu ameonesha kwa mara nyingine tena ile Njia ya Msamaha ambayo inapaswa kuvaliwa njuga na watu wote, kama sehemu ya mchakato wa ujenzi wa dunia kadiri ya mpango wa Mungu na ustawi wa binadamu. Maaskofu wanasema, Baba Mtakatifu Franciko kwa kutembelea Kikanisa cha Porziuncola, Assisi, hapo tarehe 4 Agosti, 2016 ameshiriki kikamilifu katika maadhimisho ya Jubilei ya Miaka 800 ya “Msamaha wa Assisi”; rehema kamili iliyoombwa na Mtakatifu Francisko wa Assisi kwa Papa Onorio III kunako tarehe 2 Agosti 1216, yaani miaka 800 iliyopita.
Maaskofu wanaendelea kusema, uwepo wa wakimbizi, wahamiaji na wageni kwenye Kanisa kuu la Bikira Maria wa Malaika na kwenye Shirika la Caritas Jimbo Katoliki la Assisi ni changamoto kwa wote kuonesha wema na ukarimu kwa watu wanaoteseka na kusumbuka katika maisha yao, ili kuwaonesha uso wa huruma na mapendo. Baba Mtakatifu amewaachia ujumbe wa huruma, msamaha pamoja na kuwaungamisha baadhi ya waamini, kuwa ni kielelezo cha mpango mkakati wa maisha na utume wa Makanisa mahalia. Maaskofu kwa mara nyingine tena, wanapenda kumshukuru na kumpongeza Baba Mtakatifu Francisko kwa zawadi ya uwepo na neno lake huko mkoani Umbria.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more