KAMUSI YA UKRISTO YAZINDULIWA

-


IMEELEZWA kuwa kuzinduliwa kwa Kamusi ya Ukristo nchini kutasaidia siyo tu uelewa wa imani na kukua kwa lugha ya Kiswahili, bali pia kutachochea upendo na amani nchini.
Hayo yameelezwa hivi karibuni na Kaimu Mkurugenzi Mkuu wa Utamaduni kutoka Wizara ya Habari, Utamaduni, Sanaa na Michezo, Lily Beleko wakati akitoa salamu za serikali kwa niaba ya Waziri wa wizara hiyo, katika uzinduzi wa Kamusi ya Ukristo uliofanyika katika Baraza la Maaskofu Katoliki Tanzania (TEC).
“Maneno yakitafsiriwa visivyo huweza kusababisha chuki na vurugu. Uwepo wa Kamusi hii utarahisisha uelewa wa imani kwa jamii na kuleta upendo na amani. Wamisionari wa mwanzo walisaidia kukua kwa Kiswahili kupitia vitabu na machapisho yao mbalimbali. Ni imani yangu kuwa kamusi hii itachochea kukua kwa lugha ya Kiswahili” ameeleza.
Aidha kupitia hotuba hiyo, Beleko ameongeza kuwa, ni imani ya serikali kuwa watumiaji wa kamusi hiyo wataongeza maarifa huku wakiimarisha umoja, amani na uzalendo. Ameeleza kuwa serikali itaendelea kuunga mkono juhudi za kukuza lugha ya Kiswahili na utamaduni wake, zinazofanywa na watu na taasisi mbalimbali.
Kwa upande wake mwandishi wa kamusi hiyo Padri Dkt. Jordan Nyenyembe ametoa wito kwa watanzania kuenzi utamaduni wa kusoma kwa kuwa unachochea hamu ya kutafuta ukweli na kuchambua mambo kwa makini.
“Dini zetu zimeletwa kwa njia ya vitabu, hivyo hatuwezi kukwepa kusoma. Anayesoma vitabu anasali tofauti, na anafikiri tofauti. Kazi ya uandishi bila ya kuwa na wasomaji wa uhakika inakua na ukakasi” ameeleza Padri Nyenyembe.
Naye Mkurugenzi wa Baraza la Kiswahili la Taifa (BAKITA) Dkt. Selemani Sewangi amesema kuwa kamusi hiyo ya kihistoria itasaidia kukidhi matumizi ya istilahi za kanisa ambazo hazipati maana kusudiwa katika kamusi ya kawaida.
“Kanisa lina msamiati wake unaopaswa kueleweka vizuri. Kamusi ya kawaida haitoshelezi maana kusudiwa. Katika uga wa ukristo, kwa mfano neno Mbingu, katika kamusi ya kawaida lina maana ya anga ya juu, lakini kwa maana ya kikristo bado haijatosheleza. Hivyo uwepo wa kamusi hii utasaidia kutoa maana halisi za istilahi za kikristo” ameeleza.
Kazi ya uandishi wa kamusi hiyo ya ukristo ilianza mwaka 2004 ambapo kupitia gazeti hili la Kiongozi, Padri Nyanyembe aliandika mfululizo wa makala isemayo ‘Kiswahili cha wanakanisa’, ambayo ndiyo imezaa wazo la kuwa na kamusi hiyo ya ukristo. 

Na: Paschal Mwanache,TEC
 








Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more