PANAMA,MWENYEJI SIKU YA VIJANA DUNIANI 2019

-

Baba Mtakatifu Francisko mara baada ya maadhimisho ya Ibada ya Misa Takatifu kwenye Uwanja wa Huruma ya Mungu, Jimbo kuu la Cracovia Jumapili tarehe 31 Julai 2016 kama sehemu ya maadhimisho ya kufunga rasmi maadhimisho ya Siku ya XXXI ya Vijana Duniani kwa mwaka 2016, kabla ya kusali Sala ya Malaika wa Bwana na vijana kutoka sehemu mbali mbali za dunia, aliwashukuru wadau mbali mbali waliojisadaka kwa ajili ya kuandaa na hatimaye kufanikisha maadhimisho ya Siku ya Vijana Duniani.
Anawashukuru na kuwapongeza vijana walionesha na kushuhudia furaha na imani yao Jimboni Cracovia. Hawa ni vijana ambao wamemfurahisha sana Mtakatifu Yohane Paulo II huko mbinguni na kwamba, atawasaidia kupeleka Injili ya furaha kwa watu wa mataifa! Maadhimisho haya yamewawezesha vijana kuonja uzuri wa udugu katika Kristo kiini cha matumaini yao katika maisha. Wamesikiliza kwa makini sauti ya Kristo mchungaji mwema, wakaona na kuonja mwanga, msamaha na neema zake. Vijana wameonja uzuri wa maisha ya sala, chachu ya maboresho ya maisha ya kiroho, ili kuishi na kutembea katika huruma ya Mungu wanaporejea nchini na katika Jumuiya zao!
Baba Mtakatifu amewaonesha Picha ya Bikira Maria iliyoheshimiwa sana na Mtakatifu Yohane Paulo II, picha ambayo imehifadhiwa kwenye Madhabahu ya Calvaria. Bikira Maria anawafunda vijana jinsi ya kumwilisha mambo mazuri waliyojipatia huko Poland, ili waweze kuyatunza nyoyoni mwao na hatimaye, kuzaa matunda kwa nguvu ya Roho Mtakatifu. Kila mmoja wao kadiri ya uwezo na nafasi yake anatakiwa kuwa ni shuhuda wa Kristo katika medani mbali mbali za maisha.
Baba Mtakatifu anasema, maadhimisho ya Siku ya Vijana Duniani yaliyoanzishwa kunako mwaka 1985 na Mtakatifu Yohane Paulo II yanaendelea kushika kasi na baada ya maadhimisho ya Siku ya Vijana kwa ngazi ya Kijimbo katika kipindi cha miaka miwili,  maadhimisho ya Siku ya Vijana Duniani yatafanyika kunako mwaka 2019 huko nchini Panama. Baba Mtakatifu pamoja na Maaskofu katoliki kutoka Panama wametoa baraka zao kwa ajili ya maandalizi ya maadhimisho haya.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more