WAWATA NA CARITAS WAWAPA MBINU WANAWAKE MBEYA

-

 IMEELEZWA  kuwa wanawake ni nguzo ya familia,jamii na Taifa lolote duniani ,hivyo hawapaswi kujiona wanyonge  na badala yake  wajitume katika shughuli mbalimbali za kujipatia kipato bila kujibakisha ili waweze kuzilea vyema familia katika maadili mema  na hata kufikia hatua ya kulitegemeza Kanisa.

Hayo yamesemwa na Mratibu wa Jinsia,,Vijana na  Watoto, Idara ya Caritas  na Maendeleo,Jimbo Katoliki la Mbeya,Praxeda Manyuka katika ziara yao ya kuwatembelea Umoja wa Wanawake wa Kanisa la Moyo Mtakatifu  wa Yesu, Parokia ya Ilambo kujionea shughuli za maendeleo  wanazozifanya  ili kujiingizia kipato.

Praxeda amesema kuwa  wanawake kama walezi wa familia  wanapaswa kujituma katika shughuli mbalimbali za kujitafutia kipato ili waweze kuilea vema familia,kaya  na kwamba wanao uwezo mkubwa wa kulitegemeza kanisa.

"Akina mama ndiyo nguzo ya familia,mnapaswa kujituma katika shughuli mbalimbali za maendeleo...tunaamini mwanamke licha ya kuwa mzazi pia ni mlezi  na nguzo ya familia,nguzo ikiteteleka nyumba haiwezi kuwa imara,kwa hiyo endeleeni kubuni miradi mbalimbali ya ujasiliamali na tujiwekee malengo,"amesema Praxeda.

Katika ziara hiyo Idara ya Caritas na Maendeleo,Jimbo Katoliki la Mbeya kwa kushirikiana na WAWATA Parokia ya Ilambo wamekubaliana kuweka mpango kazi kuanzia mwezi me,2017 hadi disemba 2018 kuhakikisha wanafanya maandalizi ya mashamba na kufanya ufuatiliaji ikiwemo na kutoka mafunzo kwa nadharia na vitendo.

Mpango kazi mwingine  ilikuwa ni  kuhakikisha  WAWATA  wanakamilisha ujenzi wa mabanda bora  na ufugaji wa Kuku asilia,utengenezaji wa unga wa lishe  na Batiki sanjari na bajeti ya shughuli zote za ujasilimali walizokubaliana.

Na, Thompson Mpanji, Mbeya





Picha katika matukio tofauti zikionesha baadhi ya wanawake wa Umoja wa Wanawake Wakatoliki (WAWATA) Parokia ya Ilambo,baada ya baadhi ya wafanyakazi wa Idara ya Caritas na Maendeleo, Jimbo Katoliki Mbeya walipotembelea parokiani humo kuonana na  wanawake, kuzungumza na kufundishana  shughuli za ujasiliamali za kuweza kulitegemeza Kanisa,familia na jamii kwa ujumla.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more