Jubilei ya Miaka 100 ya B. Maria wa Fatima: mkazo: Uinjilishaji mpya!

-
Kanisa linaadhimisha Jubilei ya Miaka 100 tangu Bikira Maria alipowatokea Watoto wa Fatima, yaani Francis, Yacinta Marto na Lucia dos Santos. Baba Mtakatifu Francisko kwa heshima ya Bikira Maria, ameamua kuwatangaza Wenyeheri Francis na Yacinta Marto kuwa watakatifu wakati wa hija yake ya kitume nchini Ureno kuanzia tarehe 12- 13 Mei 2017. Hija hii inaongozwa na kauli mbiu “Papa Francisko mjini Fatima 2017 pamoja na Bikira Maria kama mahujaji wa matumaini na amani”. Ujumbe wa Bikira Maria kwa watoto hawa ulikuwa ni toba, wongofu wa ndani na matumaini kwa binadamu kwa kutambua kwamba, kweli Mwenyezi Mungu anasikia kilio chao na kukijibu kwa wakati wake.
Baraza la Maaskofu Katoliki Hispania, limeandika ujumbe wa matumaini kwa Familia ya Mungu nchini humo, ukiwataka wamjifunze Yesu kupitia shule ya Bikira Maria, ili kuwa na upendeleo wa pekee kwa maskini, wanyonge na wale wote wanaosukumizwa pembezoni mwa jamii; wadhambi na wale wanaotengwa kutokana na sababu mbali mbali za maisha; wagonjwa na watu wanaoteseka: kiroho, kimwili, kimaadili na kiutu bila kuwasahau wale waliovunjika na kupondeka moyo! Maaskofu wanasema, wote hawa wanahitaji ulinzi na tunza ya Bikira Maria wa Fatima, ili hatimaye, aweze kuyafikisha maombi yao mbele ya Mwanaye Mpendwa, Yesu Kristo!
Baraza la Maaskofu Katoliki Hispania linapenda kujikabidhi tena kwa ulinzi na tunza ya Bikira Maria, kwa sala aliyotumia Baba Mtakatifu Francisko tarehe 13 Oktoba 2013 kwenye Uwanja wa Kanisa kuu la Mtakatifu Petro mjini Vatican. Maaskofu wanawaalika waamimini pamoja na watu wote wenye mapenzi mema kuungana pamoja na Baba Mtakatifu Francisko katika hija yake ya kiroho huko Fatima, nchini Ureno kama sehemu ya maadhimisho ya Jubilei ya Miaka 100 tangu Bikira Maria alipowatokea Watoto wa Fatima. Ibada kwa Bikira Maria wa Fatima imejikita katika moyo wa waamini wa kawaida kabisa, kiasi hata cha kuleta mvuto kwa viongozi wakuu wa Kanisa, kwa kuona jinsi ambavyo watu walimkimbilia Bikira Maria katika imani na matumaini katika shida na mahangaiko yao.
Wakati wa maadhimisho ya Jubilei ya miaka 50 tangu Bikira Maria alipowatokea Watoto wa Fatima, Mwenyeheri Paulo VI alikwenda kuhiji huko. Lakini, Mtakatifu Yohane Paulo II alikuwa na uhusiano na ibada ya pekee kabisa kwa Bikira Maria wa Fatima katika maisha na utume wake, kiasi cha kujikabidhi kwa huyu Mama. Baba Mtakatifu Mstaafu Benedikto XVI alitembelea madhabahu haya kunako mwaka 2010. Huyu ndiye aliyefafanua kuhusu siri za Fatima na kuziweka hadharani. Baraza la Maaskofu Katoliki Hispania linawaalika watu wa Mungu nchini humo kusoma ujumbe wa Bikira Maria kwa Watoto wa Fatima katika mwanga wa historia ya ukombozi. 
Ujumbe huu uwe ni changamoto na mwaliko wa kuzama zaidi katika mchakato wa uinjilishaji mpya unaojikita katika toba, wongofu wa ndani na ushuhuda wa imani inayomwilishwa katika matendo! Lugha aliyotumia Bikira Maria kwa Watoto wa Fatima ilikuwa ni lugha ya upendo inayoeleweka na kufahamika na wengi, changamoto na mwaliko kwa waamini ni kuwa kweli vyombo na mashuhuda wa huruma na upendo wa Mungu kwa jirani zao. Toba na wongofu wa ndani pamoja na maisha ya sala ni mambo msingi ambayo yalikaziwa sana na Bikira Maria alipowatokea Watoto wa Fatima, yaani: Francis, Yacinta Marto na Lucia dos Santos.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more