Madhabahu ni mahali pa uinjilishaji wa kina, toba na wongofu wa ndani

-
Baraza la Kipapa la Uhamasishaji wa Uinjilishaji Mpya kuanzia sasa limepewa dhamana na madaraka ya kusimamia Madhabahu ya Kimataifa kadiri ya sheria za Kanisa; Kuhakikisha kwamba, maeneo haya muhimu katika maisha na utume wa Kanisa yanakuwa ni mahali muafaka pa uinjilishaji mpya: unaojikita katika ushuhuda wa tunu msingi za maisha ya Kikristo. Baraza lina wajibu wa kusaidia madhabahu ya Kanisa kuwa ni mahali pa mikutano ya kitaifa na kimataifa, ili kukuza na kudumisha ibada na hija kwenye maeneo matakatifu.
Baraza lina dhamana ya kuwafunda wahudumu kwenye madhabahu haya ili yaweze kutoa huduma msingi za kichungaji, kikanisa na maisha ya kiroho pamoja na kuendeleza sanaa na utamaduni wa maeneo haya kama mifumo maalum ya uinjilishaji. Kimsingi hii ndiyo changamoto kubwa iliyotolewa hivi karibuni na Baba Mtakatifu Francisko katika barua yake binafsi ijulikanayo kama “Sanctuarium ecclesia” yaani “Madhabahu ndani ya Kanisa”.
Askofu mkuu Salvatore Rino Fisichella, Rais wa Baraza la Kipapa la Uhamasishaji wa Uinjilishaji mpya katika mahojiano maalum na Radio Vatican anasema, hija ya 19 ya Baba Mtakatifu Francisko kimataifa huko kwenye Madhabahu ya Bikira Maria wa Fatima, kuanzia tarehe 12 hadi 13 Mei 2017, ambayo imeongozwa na kauli mbiu “Papa Francisko mjini Fatima 2017 pamoja na Bikira Maria kama mahujaji wa matumaini na amani”, imekuwa ni hija ya matumaini na amani kwa familia ya Mungu duniani. Imeendelea kupandikiza mbegu ya uinjilishaji mpya unaofumbatwa katika ushuhuda wa imani tendaji changamoto na mwaliko wa kuendeleza majadiliano ya kidini na kiekumene, ili kweli dunia iweze kuwa ni mahali pazuri zaidi pa kuishi!
Askofu mkuu Salvatore Rino Fisichella, alikuwa ni kati ya “vigogo” wa Kanisa waliokuwa kwenye msafara wa Baba Mtakatifu Francisko wakati wa hija ya maadhimisho ya kumbu kumbu ya Miaka 100 tangu Bikira Maria alipowatokea Watoto wa Fatima yaani: Francis Marto, Yacinta Marto na Mtumishi wa Mungu Lucia dos Santos. Madhabahu ya Bikira Maria wa Fatima ni mahali mahususi kabisa pa uinjilishaji mpya; kwani hapa waamini na watu wenye mapenzi mema; kwa imani na matumaini wanakimbilia ulinzi na tunza ya Bikira Maria, ili aweze kuwafunika kwa joho la upendo na huruma yake ya kimama kama alivyokaza kusema, Baba Mtakatifu Francisko wakati wa hija yake nchini Ureno hivi karibuni!
Madhabahu ya Bikira Maria wa Fatima ni kituo cha sala na Ibada kwa Moyo Safi wa Bikira Maria usiokuwa na doa; mahali muafaka pa kutafakari muhtasari wa kazi ya ukombozi; huruma na upendo wa Mungu kama vilivyofunuliwa na Kristo Yesu! Licha ya umati mkubwa wa watu uliokuwa umefurika katika mkesha wa Jubilei ya Miaka 100 tangu Bikira Maria alipowatokea Watoto wa Fatima, lakini, mtu aliweza kusali na kuhisi kimya kikuu wakati wa Kuabudu Ekaristi Takatifu, matendo makuu ya Mungu! Hapa watu wanakwenda kusali, kutubu na kumwongokea Mwenyezi Mungu, ili kweli waweze kuwa ni mashuhuda na vyombo vya huruma na upendo na Mungu kwa waja wake.
Baba Mtakatifu katika hija yake, amekazia mwelekeo wa kimissionari katika hija zinazofanywa na waamini kama sehemu ya toba na wongofu wa ndani! Baba Mtakatifu anawahimiza waamini kwanza kabisa kutoka katika ubinafsi wao, tayari kusikiliza na kujibu kilio cha maskini  na wale wanaosukumizwa pembezoni mwa jamii! Pili ni kwa Kanisa kutoka kifua mbele kwenda pembezoni mwa maisha ya mwanadamu, ili kushuhudia na kuambata mambo msingi katika maisha ya mwanadamu.
Hii ni sehemu muhimu sana ya mchakato wa uinjilishaji unaofumbatwa katika ushuhuda wenye mvuto na mashiko kutoka kwa familia ya Mungu! Watu wanataka kuona matendo kama kielelezo cha imani tendaji! Sala, toba na wongofu wa ndani pamoja na tafakari ya kina ya Neno la Mungu ni nyenzo muhimu sana katika uinjilishaji mpya, ili kuwaweze waamini kugundua na kuonja uwepo endelevu wa Mungu katika historia, maisha na matukio mbali mbali wanayokumbana nayo katika safari ya maisha ya hapa duniani. Kwa njia hii, waamini watakuwa na ujasiri wa kutoa kipaumbele cha kwanza kwa Mungu na jirani zao, tayari kusikiliza na kujibu kilio cha maskini na wale wanaohitaji msaada zaidi!
Askofu mkuu Salvatore Rino Fisichella anakaza kusema, Madhabahu ya Fatima ni mahali pa sala na ibada kwa watu wa kawaida; watu wasiokuwa na makuu: Hapa ni mahali pa katekesi ya kina kuhusu: Imani, Sakramenti za Kanisa, Amri za Mungu na Maisha ya Sala! Haya ni mambo makuu yanayoweza pia kuendelezwa kwenye madhabahu yaliyotanwanyika sehemu mbali mbali za dunia. Madhabahu ya Bikira Maria, licha ya ukanimungu na utepetevu wa imani katika ulimwengu wa utandawazi na maendeleo ya sayansi na teknolojia, lakini bado kuna bahari ya waamini wanaoshuhudia imani yao kwa Bikira Maria. Madhabahu yanawasaidia waamini kupata utambulisho wao, kama watoto wa Bikira Maria; ni mahali ambapo waamini wanapata nafasi tena ya kujitambua na kujikita katika safari ya imani na maendeleo endelevu ya binadamu; kwani imani inakuwa ni kielelezo na utambulisho wa mwamini!
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more