Papa Francisko anawashukuru wote waliofanikisha hija yake ya kitume!

-
Falsafa ya neno asante ni kuomba tena! Kama ilivyo kawaida kwa Baba Mtakatifu Francisko kabla na baada ya hija zake za kitume kwenda kusali kwenye Kanisa kuu la Bikira Maria mkuu lililoko mjini Roma, Jumapili, tarehe 14 Mei 2017 alfajiri na mapema, Baba Mtakatifu Francisko amekwenda kusali kwenye Kanisa kuu la Bikira Maria mkuu na kukaa mbele ya picha ya Bikira Maria afya ya Warumi katika hali ya ukimya kwa kitambo cha dakika ishirini na baadaye kurejea tena Vatican kuendelea na shughuli zake!
Baba Mtakatifu Francisko baada ya kuhitimisha hija yake ya kitume kwenye Madhabahu ya Bikira Maria wa Fatima nchini Ureno, kuanzia tare 12 hadi 13 Mei 2017, akiwa njiani kurejea mjini Vatican, amewatumia wakuu wa nchi ya: Ureno, Hispania, Ufaransa na Italia, ujumbe wa matashi mema wakati alipokuwa anapita kwenye anga la nchi zao. Kwa  namna ya pekee kabisa, Baba Mtakatifu anamshukuru na kumpongeza Rais Marcelo Rebelo de Sousa wa Ureno kwa mapokezi na ukarimu wa ajabu waliomwonesha wananchi wa Ureno wakati wa hija yake nchini humo. Anapenda kuwaombea wananchi wote, amani, baraka na furaha!
Baba Mtakatifu alipokuwa anatinga kwenye anga za Hispania, amemtumia salam na matashi mema Mfalme Felipe VI, akiwahakikishia wananchi wote wa Hispania sala zake. Alipoingia kwenye anga la Ufaransa, Baba Mtakatifu amemtumia salam na matashi mema Rais Francois Hollande kwa niaba ya wananchi wote wa Ufaransa, akiwahakikishia sala na maombezi yake.
Alipowasili kwenye anga za Italia, Baba Mtakatifu amemtumia salam na matashi mema Rais Sergio Mattarella wa Italia, akimwelezea kwamba, anarejea kutoka katika hija ya kiroho kwenye Madhabahu ya Bikira Maria wa Fatima, ambako amebahatika kukutana pia na wagonjwa kutoka sehemu mbali mbali za dunia, lakini zaidi kulikuwepo na umati mkubwa wa familia ya Mungu kutoka Italia. Baba Mtakatifu anamshukuru Mwenyezi Mungu kwa kumwezesha kutekeleza hija hii kama hujaji wa matumaini na amani. Anapenda kuchukua nafasi hii kuwashukuru na kuwapongeza wasamaria wema wanaojisadaka bila ya kujibakiza kwa ajili ya huduma kwa wagonjwa na wanaoteseka nchini Italia. Anapenda kuwahakikishia wananchi wa Italia sala na sadaka ili kweli Italia iweze kupata ustawi na maridhiano. Amewapatia wananchi wote wa Italia baraka zake za kitume!

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo
Read more