UNYENYEKEVU NA USIKIVU KATIKA KUUJENGA UFALME WA MUNGU

-

Baba Mtakatifu Francisko wakati wa mahubiri yake kwenye Kikanisa cha Mtakatifu Martha kilichoko mjini Vatican, Jumanne, tarehe 25 Oktoba 2016 amesema kwamba, waamini wanapaswa kujikita katika fadhila ya unyenyekevu na usikivu ili kusaidia mchakato wa ujenzi wa Ufalme wa Mungu duniani. Anakumbusha kwamba, miundo mbinu na mashirika mbali mbali yana mchango kidogo sana katika ujenzi wa Ufalme wa Mungu, kwani huu ni Ufalme ambao daima unatembea na wala haujaganda na kusimama kama maji mtungini!
Baba Mtakatifu anakaza kusema, heri wale wanaotembea katika Sheria ya Bwana, ambayo waamini wanapaswa kuisoma, kuitafakari, lakini zaidi kuimwilisha katika uhalisia wa maisha yao kwa kutoa ushuhuda wenye mvuto na mashiko, daima wakiwa katika hija ya maisha. Mwenyezi Mungu anawataka waamini pamoja na watu wote wenye mapenzi mema, ili kwa njia ya maisha yao waweze kushiriki katika ujenzi wa Ufalme wa Mungu unaoendelezwa na kudumishwa na waamini wote kila siku ya maisha. Ufalme wa Mungu haufumbatwi kwa Sheria ngumu, bali ni katika unyofu wa moyo kwa kumsikiliza na kutekeleza mapenzi ya Mungu. Baba Mtakatifu anauliza swali la msingi, itamfaa nini mtu kupata ulimwengu wote na hatimaye, kuangamia kwenye moto wa milele. Yesu katika Injili ya siku anazungumzia mambo ya kawaida kabisa yanayoweza kuchachua na kuumua mkate na kuwa ni chakula kwa wengi. Mbegu isipopandwa ardhini haiwezi kuota na kuzaa matunda yanayokusudiwa. Hata mambo madogo madogo yanaweza kusababisha mchakato wa mabadiliko na mageuzi katika maisha na ujenzi wa Ufalme wa Mungu.
Baba Mtakatifu anaendelea kufafanua kwamba, ili Ufalme wa Mungu uweze kukua, kukomaa na kuzaa matunda ya haki, amani, upendo na mshikamano, kuna haja kwa waamini kujikita katika unyenyekevu kwa kuwa wasikivu kwa Roho Mtakatifu anawakirimia waamini nguvu ya kufanya mageuzi katika maisha na baadaye Ufalme huu unakuwa ni kwa ajili ya wote. Waamini wenye fadhila ya unyenyevu ni zawadi kubwa kwa jirani zao, ni chachu ya matumaini katika mchakato wa kuelekea kwenye utimilifu wa maisha ya uzima wa milele.
Mwishoni, Baba Mtakatifu anawataka waamini kuondokana na shingo ngumu na moyo wa jiwe, tayari kumsikiliza Roho Mtakatifu, kwani ugumu wa moyo unawafanya waamini kuwa tasa na yatima. Ufalme wa Mungu ni kama Mama anayejisadaka bila ya kujibakiza kwa ajili ya ustawi na maendeleo ya watoto wake. Waamini wawe na ujasiri wa kumwomba Roho Mtakatifu, ili aweze kuwakirimia fadhila ya unyenyekevu na usikivu, tayari kushiriki kikamilifu katika ujenzi wa Ufalme wa Mungu kwa kutekeleza mapenzi ya Mungu hapa duniani.
Na Padre Richard A. Mjigwa, C.PP.S.
Idhaa ya Kiswahili ya Radio Vatican.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more