CARITAS TANZANIA INAVYOWASAIDIA WAATHIRIKA WA TETEMEKO

Mara baada ya kutokea kwa tetemeko la ardhi Septemba 10, 2016 Idara ya Caritas Jimbo Katoliki Bukoba ilifanya jitihada za makusudi za kutathmini madhara ya tetemeko hilo na kubaini mahitaji yanayopaswa kupewa kipaumbele.

Katibu wa Caritas Jimbo Katoliki Bukoba Padri Deogratius Mwikira, ameeleza kuwa ofisi yake imefanya tathmini ya kubaini mahitaji ya haraka kwa wahanga wa tetemeko hilo.

Tathmini hiyo ilifanywa na jopo la wana Caritas kwa kuzunguka nakutazama hali halisi, kufanya mahojiano ma viongozi wa vijiji, dini, walimu wakuu na wakuu wa shule, na wawakilishi wa vyama vya ushirika.

Tathmini hiyo imefanyika katika vijiji vya Nyarugongo, Kiilima, karagala, Kigazi, Ruhano, Katolerwa na Minziro. Vijiji vingine ni pamoja na Kabyaile, Katano, Bushaga, Ntungamo, Ibosa, Busimbe B na Bugambakamo.

Tathmini hiyo imebaini uharibifu wa shule 13, majengo ya dini 11, nyumba za watu wasiojiweza 2, Vituo vya afya 3 na vyama vya ushirika vitatu.

Aidha watu waliofanyiwa tathmini hiyo wameonyesha kukosa usalma kwa kuwa wanalala nje, kwenye baridi na mali zao zikiwa nje.

Idadi ya makazi

Idadi ya Kaya katika vijiji 14 vilivyofanyiwa utafiti	5648
Kaya ziazoongozwa na wanawake	538
Kaya zenye walemavu	61
Kaya zinazoongozwa na watoto	91

Mtawanyiko baada ya tetemeko

Wakazi wanaoishi/wahifadhi majirani zao	67
Waliohama makazi yao	495

Msaada mpaka sasa

WALIOTOA	AINA YA MSAADA	ALIYEPOKEA
Serikali	Mablanketi, mashuka, biskuti, mchele, maharage, sukari, ndoo	Walioathirika katika kijiji cha Minziro
Walioguswa	mashuka	Dispensari 1

Mahitaji

Msaada unaohitajika	Wahusika
Mahema	Watoto, wazee, walemavu, wajane
Mablanketi	Watoto, wazee, walemavu, wajane
Mashuka	Watoto, wazee, walemavu, wajane
Saruji	Watoto, wazee, walemavu, wajane
Mabati	Watoto, wazee, walemavu, wajane

MSAADA WA MFUKO WA MSAMARIA MWEMA KWA WALIOATHIRIKA NA TETEMEKO LA ARDHI

Kama ilivyo ada ya Kanisa Katoliki, ifikapo Jumapili ya kwanza ya mwezi Septemba huadhimishwa Jumapili ya Msamaria Mwema. Hapo katika parokia zote na vigango vyote vya Kanisa Katoliki huhamasisha waamini kuchangia vitu na pesa kwa ajili ya watu wahitaji.

Kwa kutambua mahitaji ya wahanga wa tetemeko la ardhi, Idara ya Caritas Bukoba iliamua kugawa mchango uliotolewa katika jumapili ya msamaria mwema kwa waathirika wa tetemeko, kupitia Kamati ya maafa ya mkoa chini ya uongozi wa

Mkuu wa Mkoa wa Kagera Mustafa Kijuu.

Vitu vilivyotolewa ni kama ifuatavyo:

Mashuka pea 100     Tsh 1,500,000

Nguo za watoto          Tsh 93,400

Nguo za kike                 Tsh 1,460,000

Nguo za kiume             Tsh 840, 0000

Viatu                               Tsh 265,000

Madaftari                      Tsh 530,000

Kalamu za wino              Tsh 37,000

Kalamu ya risasi              Tsh 10,000

Sabuni za miche              Tsh 85,000

Sabuni za kuogea            Tsh 6,500

Jumla Kuu                          Tsh 4,734,900

Baada ya tathmini, CARITAS yawafariji waathirika wa tetemeko

 BAADA ya kufanya tathmini ya madhara yaliyoletwa na tetemeko la ardhi lililotokea Septemba 10 mkoani Kagera, Idara ya Caritas katika Baraza la Maaskofu Katoliki Tanzania, imewafuta machozi wahanga hao kwa kuwapelekea msaada wa vyakula vilivyosindikwa vyenye thamani ya Tsh. Milioni 108.

Katibu Mtendaji wa Caritas Tanzania, Laurent Masui

Akiongea na Kiongozi ofisi kwake, Katibu Mtendaji wa Caritas Tanzania, Laurent Masui ameeleza kuwa msaada huo wa vyakula vilivyosindikwa, ambavyo ni nyama na maharage, umewasilishwa kwa Idara ya Caritas Jimbo Katoliki Bukoba, kwa ajili ya kupanga utaratibu unaofaa wa kuwafikishia wahanga hao.

“Tumepeleka msaada wa tani 20 za vyakula vilivyosindikwa. Msaada huo utapelekwa kwa waathirika wa tetemeko la ardhi, na watapewa kulingana na mahitaji yao. Idara ya Caritas Jimbo Katoliki Bukoba itaratibu namna ya kuwafikia walengwa” ameeleza.

Licha ya msaada huo, caritas imeshafanya tathmini ya kuzitambua familia zenye uhitaji maalum ili nao waweze kupatiwa msaada  kadiri ya mahitaji yao. Ametaja familia hizo kuwa ni pamoja na zile za wajane, walemavu ambapo watapatiwa vifaa vya nyumbani na vya ujenzi.

“Tumeshafanya tathmini na kuzitambua familia ambazo hazijiwezi na zenye uhitaji maalum. Tunajipanga ili kupata namna bora ya kuwasaidia vifaa vya ujenzi na vya nyumbani kama vile mabati, mifuko ya saruji, na vyombo vya matumizi ya nyumbani” ameongeza.