CSSC KUJENGA ' SOBER HOUSE' JIMBONI TABORA

-

Tume ya Kikristo ya Kanda ya Magharibi inatarajia kujenga nyumba ya utulivu nje kidogo ya Manispaa ya Tabora hivi karibuni.
Akiongea na Blog hii ofisini kwake mwisho wa wiki meneja wa tume hiyo Elizabeth Lubike alisema Tume hiyo imefikia uamuzi huo baada ya kuona vijana na watu wazima ambao wameathiriwa na madawa ya kulevya na pombe.
Kituo hicho kitajikita katika kuwarudisha au kuwakarabati watu walioathirika katika mikoa ya Tabora, Kigoma,na Singida.Aidha katika mkutano huo wa siku mmoja wajumbe walizungumzia pia utekelezaji wa mipango ,sera na mikakati ya serikali kupitia tume hiyo (CSSC). 
Mkutano huo pia ulijadili suala ya kutoa ushauri kwa watendaji wa tume hiyo. Meneja Lubike alisema mkutano pia ulijadili Ripoti ya utekelezaji wa mpango kazi wa  mwaka uliopita.
Baadhi ya wajumbe waliohudhuria mkutano huo ni Askofu Mkuu Paulo Ruzoka wa kanisa Katoliki, Askofu Dr.Alex Mkumbo(KKKT), Askofu John Lupaa (ACT DRV), Askofu Elias Chakupewa (Anglican), Askofu Joseph Mlola (Kanisa Katoliki).
Upande wa serikali alikuwa Mkuu wa Mkoa wa Tabora Aggrey Mwanri , pamoja na makatibu wa Afya na Elimu toka mikoa yote inayounda kanda ya Magaribi ndani ya Tume hiyo.
Moja ya maazimio ni kwamba mwakani Tume itakutana mara mbili , pia mkutano huo utahudhuriwa na wakuu wote wa mikoa ya kanda ya Magharibi na wakuu wote wa Wilaya za Mkoa wa Tabora

Pd Thomas Mambo, Tabora

Comments

  1. MADIBA FASHION AND DESIGNSSaturday, October 22, 2016 12:18:00 PM

    Mungu ni mwema mradi huyu uwe msingi wa tumaini kwa kundi la vijana ili wamrudie Mungu

    ReplyDelete

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more