MIAKA 25 YA PAROKIA YA FAMILIA TAKATIFU

-



Waamini wa parokia ya Familia Takatifu jimboni Sumbawanga wanamshukuru Mungu kwa kutimiza miaka 25 tangu kupandwa kwa mbegu ya imani parokiani hapo.

Wakizungumza katika sherehe za jubilei hiyo wananchi na waamini wa parokia ya Familia Takatifu wamesema kuwa kanisa katoliki ni nguzo ya maendeleo kwa waamini na wananchi kwa ujumla kwa maeneo mbalimbali.

"Miaka 25 ya parokia ya Familia Takatifu ni ukomavu wa huduma za kiroho na kimwili kwa waumini wake na wananchi kwa ujumla kwani kwa muda huu kumekuwa na shughuli za kijamii ambazo ni msaada kwa watu wote wakatoliki na wasio wakatoliki kama vile shule ya chekechea, mashine za kusaga na kukoboa hali kadhalika kupata mapadri na watawa ni matunda ya parokia hii". amesema ndugu Nolasco Kalikwenda katibu wa parokia.

Akiongoza maelfu ya waamini waliohudhuria misa ya jubilei ya miaka 25 ya parokia ya familia takatifu Askofu wa jimbo katoliki Sumbawanga Mhashamu Damian Kyaruzi amesema kuwa katika mwaka huu wa huruma ya Mungu na jubilei ya parokia, ni vema kuziishi fadhila za kimungu yaani Imani, Matumaini na Mapendo kama ilivyokuwa katika familia ya Nazareti ya Yesu, Maria na Yosephu.

"Ili kuhusisha maisha wa somo wa parokia hii yaani familia ya Yesu ,Maria na Yosephu na kupitia makuzi ya miaka 25 tangu kupandwa kwa mbegu ya imani katika parokia hii ni vema kuziishi fadhila za kimungu yaani imani, matumaini na mapendo. Na kwa kufanya hivyo mtaweza kulea watoto wenu katika maadili yanayokubalika kama ilivyokuwa kwa mtoto Yesu ambapo itafanya watoto wawaheshimu na kuwasikiliza wazazi wao na kwa namna hiyo jamii ya Sumbawanga na Tanzania nzima hatutakuwa na watoto vibaka, wapiga nondo, wavuta bangi, wahuni na hata walioshindikana hata kwa wazazi wao" Amesema Askofu Kyaruzi.

Aidha Askofu Kyaruzi ameongeza kuwa jina la parokia hiyo ya familia takatifu  limesababisha kiasi cha wengi kushindwa kutambua jina la asili la sehemu ile na kila mtu awe wa imani gani ukimuuliza unakwenda wapi, hana cha kutaja zaidi ya Familia takatifu kwahiyo ni vema familia za kikristo zikalienzi jina hilo pamoja na parokia yao kwa kuhudumia jamii inayozunguka kwa kuyaishi maisha ya familia ya Nazareti.

Parokia ya Familia Takatifu ilianza mwaka 1990 na kuwekwa wakfu tarehe 13 Mei 1990 na Mhashamu Askofu Tarcicius Ngalalekumtwa.

Katika kipindi cha miaka 25 Parokia hii imeongozwa na Mapadri mbalimbali na kwa vipindi tofauti ambao ni Paroko na mwanzilishi Padri Luka Ville akifuatana na Paroko Hugo, Maparoko hao walisaidiwa na Mapadri Peter Durie, Padri Baisloji na Padri Alois Monsiwenga na Brother Sikeleni.



Walifuatiwa na Maporoko Peter Vander Pass Simchile, Emil Luwaga, Joachim Sangu na sasa anayeongoza ni Padri Leonard Teza akisaidiwa  na Padri Gaudensi Sindani.



Mapadri wengine  waliofanya kazi ya utume  Parokiani hapo ndani ya miaka 25 nao ni Padri Demetrius Kazonde, Padri John Chiwalala, Padri Boniface Nyama na Padri Charles Kasuku.
 Na Emmanuel Mayunga, Sumbawanga







Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more