" TUVITHAMINI VYOMBO VYA HABARI VYA KANISA" ASKOFU NZIGILWA

-


Askofu Msaidizi wa Jimbo Kuu Katoliki Dar es Salaam Mhashamu Eusebius Nzigilwa amekemea waamini wanaopenda kufuatilia vyombo vya habari vya kidunia kuliko vya kanisa na hivyo kufanya kazi ya uinjilishaji kuwa ngumu, kwani kanisa hutumia vyombo vyake kuinjilisha huku wakristo wengi wakipitwa na fursa hiyo.

Ameeleza hayo hivi karibuni wakati wa Adhimisho la Misa Takatifu ya kutoa Sakramenti ya Kipaimara katika Parokia ya Teresia wa Mtoto Yesu, Mafia
Ambapo takribani vijana 30 walipokea Sakaramenti hiyo, idadi ambayo haijawahi kufikiwa katika kisiwa hicho cha Mafia, ambapo zaidi ya asilimia 90 ya wakazi wake ni waislamu.

 “Wangapi mnasikiliza redio za kanisa? Hamsikilizi kwa sababu mnapenda mambo ya kidunia” amehoji Askofu Nzigilwa.

Aidha  amesema kuwa Yesu aliwaagiza watu waende ulimwenguni kote wakatangaze Injili, hivyo hawapaswi kupinga agizo la Mungu, na kwamba atakayemuonea aibu naye atamuonea aibu mbele ya Baba yake.

Amewaasa vijana waliopata Sakramenti ya Kipaimara kuwa hata wao wanatumwa kuitangaza Injili, na kuwataka waitangaze Huruma ya Mungu bila uwoga kwai huu siyo wakati wa kujificha.

“Wazazi msiwalee watoto kwa kuzingatia usafi wa kimwili pekee, bali fanyeni hivyo pia kwenye usafi wa kiroho. Tusiwalee watoto kwa kuwafanya wapende kitu bali utu, kwani kitu huchakaa na hutupwa, ninyi mkizeeka watawakataa kwa kuwa  mtakuwa hamna kitu” amesisitiza Askofu Nzigilwa.

Baada ya Adhimisho hilo la Misa Takatifu ilifuata halfa iliyohudhuriwa na viongozi wa serikali na wa dini mbalimbali, huku kwa upande wa serikali Mkurugenzi Mtendaji Mafia Erick Chrisantus Mapunda amemuomba Askofu Nzigilwa afikishe salamu kwa Mwadhama Polycarp Kardinali Pengo kuwa wapo tayari kutoa eneo ili ijengwe shule ya Sekondari  kidato cha tano na sita.

Pia ameongeza kuwa Serikali wilayani humo ipo tayari kutoa kiwanja kingine kwa Kanisa ili kuunga mkono juhudi za Kanisa katika kutoa huduma za afya.

“Tupo tayari kutoa eneo jingine ili kujenga kituo cha afya. Japo itakuwa mali ya kanisa tunafahamu kuwa watakaonufaika ni watanzania wote”

TEC

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more