Zaidi ya Vijana 6,000 wanufaika na mafunzo ya maadili Arusha

-
n  Na Doreen Aloyce, Arusha
ZAIDI ya vijana wakatoliki elfu sitini (6000) wa Jimbo Kuu Katoliki Arusha wamenufaika na elimu ya malezi  na maadili mema ambayo itawawezesha wawe na utu na kuboresha mbegu bora katika familia.
Hayo yamesemwa na Askofu wa Jimbo Kuu Katoliki Arusha Mhashamu Josaphat Lebulu alipokuwa akizungumza katika maadhimisho ya sherehe ya upadrisho wa mapadri watatu zilizofanyika katika parokia ya Burka Arusha.
Askofu Lebulu amebainisha kuwa Jimbo hilo linapenda kuwaandaa viongozi wakiwa wadogo kupitia shule za pekee za Seminari za Jimbo hilo ikiwemo ya Usa River ambayo ni kwa ajili ya wavulana pamoja na ya Seminari iliyopo Kisongo ambayo ni ya kuwaandaa wasichana ili waweze kukua katika maadili mema.
Amefafanua kuwa vitendo vya mmomonyoko wa maadili vinazidi kushamiri katika jamii kutokana na wazazi kushindwa kusimamia malezi ya watoto na kwamba Kanisa Katoliki limejiwekea utaratibu wa kuelimisha vijana ambao wamemaliza darasa la saba ili kuwajengea maadili ambayo yatawajenga katika utu na hatimaye kuwezesha familia kujua.
Padri Fulgence Mallya ambaye ni Mkurugenzi wa Miito wa Jimbo hilo amesema kuwa kupatikana kwa mapadri hao ni neema kwani awali ilikuwa changamoto na kwamba wataweza kulisaidia Kanisa Katoliki kufikia watu wengi na kuwapatia huduma.
Amesema kuwa Jimbo hilo limekaa miaka mitano bila kupata watumishi na kwamba kufanikiwa  kupata mapadri watatu  katika Jimbo kutasaidia  Parokia kuongezeka na kupata wahudumu pia kuweza kuwafikia watu wanaohitaji huduma katika jamii tofauti na ilivyokuwa hapo awali.
“Jimbo letu limekaa muda wa miaka mutano bila kupata mapadri wapya, hivyo naamini mapadri hawa wataweza kuhudumia parokia zetu lakini hata kuweza kuhudumia watu kwani watu nao wanazidi kuongezeka lakini watenda kazi ni wachache zaidi,” Amesema.
Aidha amesema kuwa wakristo wanapaswa kuendelea kusali kumwomba Mungu ili zile mbegu  ya wito zinazosiwa na Mungu  katika familia ziendelee kukua na hatimaye waendelee kupata mapadri ambao watawezesha  kubadilisha ulimwengu kuwa na maadili mema.
Amewataja mapadri waliopewa daraja hilo kuwa ni pamoja na padri Alfred Fadhili (anakwenda kutumika Seminari ndogo ya Jimbo Oldonyosambu), padri Kariuki Ndege (anakwenda Parokia ya Kijungu Wilaya ya Kiteto)  na  padri Emanueli Swai (amepangiwa Seminari ya matayarisho User River ya Mtakatifu Kaloli Rwanga).


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more