KUELEKEA MIAKA 100 YA UPADRI: KILOMBERO WAPATA PADRI WA KWANZA MJESUITI

-


Na Tuzo Nyoni, Ifakara
Wakati maandalizi ya maadhimisho ya Jubilei ya Miaka 100 ya Upadri nchini yatakayofanyika katika Jimbo Kuu Katoliki Dodoma yakiendelea vizuri, wito kwa mapadri nchini umeendelea kutolewa kuwa wazingatie kuwa wametumwa kwa watu ili wawasaidie kuondokana na matatizo mbalimbali na hatimaye wajisikie kuwa wao pia ni wana wa Mungu.
Akihubiri katika adhimisho la misa takatifu ya shukrani ya Padri Patrick Ngamesha(PICHANI) iliyofanyika hivi karibuni katika Kanisa la Mtakatifu Siliakus parokiani Mang’ula  Jimbo Katoliki Ifakara, Padri Valelian Shirima aliyewahi kuwa Mkuu wa Shirika la Majesuiti  amesema kuwa Kanisa lote la Mungu lina haki ya  kusherehekea sikukuu hiyo kwa ajili ya makuu aliyoyatenda kupitia nafsi ya padri mpya Patrick Ngamesha.
Padri Shirima amesema mapadri wamepewa mamlaka ya kuwasafisha watu dhambi zao na wanapokutana na watu wenye mioyo migumu wasichoke kuwahubiria neno la Mungu, kazi ambayo mapadri wanaifanya katika maisha yao yote na wakumbuke kwa sababu yao watu wengi watakuja kumwabudu na kumshuhudia Kristo, na tuzo lao  halitakuwa dogo.
Aidha Padri Shirima amemtaka Padri Patrick Ngamesha ambaye ni mjesuiti wa kwanza wa bonde la mto Kilombero (majimbo Katoliki Ifakara na Mahenge) kuwa mtu wa  sala na kabla ya kufanya kitu chochote akumbuke kuanza kwa sala ili kazi yake iwe ya kumpendeza Mungu na aweze kuunganika naye.
“Mapadri wanatakiwa wakumbuke kuwa Mungu hakuwaita kuja kulipiza kisasi na kuwatakia mabaya watu wabaya, bali wameitwa ili wawatakatifuze watu na kuwatia moyo ili wawe watu wanaomfuata Kristo,” Amesema Padri Shirima.
Hata hivyo amewakumbusha mapadri kuwa tayari kutumwa popote kufanya utume, tegemeo lao likiwa Kristo mwenyewe atakayewawezesha katika utume wao huku wakiepuka kuwa kikwazo kwa kila watakayekutana naye.
Padri Ngamesha alipewa Daraja takatifu ya Upadri tarehe 7 Julai mwaka 2017 katika parokia ya Msimbazi Jimbo Kuu Katoliki Dar es Salaam na Askofu Msaidizi wa Jimbo hilo Mhashamu Eusebius Nzigilwa.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more