UPATANISHO: KARATU WAANDAA MISA MAALUM

-


Na Sophia Fundi, Karatu.

PAROKIA ya Karatu katika Jimbo Katoliki Mbulu kwa mara ya kwanza tangu ianzishwe mwaka 1946 imeadhimisha misa ya upatanisho kwa walei na mapadri waliowahi kufanya utume katika parokia hiyo akiwemo marehemu padri John Costigan wa Shirika la wapalotini ambaye ndiye mwanzilishi wa parokia hiyo.

Misa hiyo ni hitimisho la Mfungo wa Novena ya siku tisa ya kuomba Huruma ya Mungu ambapo waamini walishiriki katika Jumuiya ndogondogo za kikristo na  hatimaye kushiriki adhimisho la misa iliyohudhuriwa na mapadri zaidi ya 30, wakiwemo mapadri wote waliowahi kufanya utume katika parokia hiyo na mwakilishi wa Shirika la wapalotini ambaye ni mkuu wa Shirika hilo jimboni Mbulu, viongozi wa Serikali katika Wilaya ya Karatu, wabunge Jimbo la Karatu, viongozi wa siasa na wazee maarufu.

Akihubiri katika Misa hiyo, paroko wa parokia hiyo padri Pamphili Nada amesema kuwa tukio hilo la kuadhimisha misa ya upatanisho ni zoezi lililoibuliwa na walei wa parokia hiyo kupitia umoja wa wazee na mapadri waliowahi kufanya utume katika parokia hiyo ambapo waliamua kufanya adhimisho la misa katika adimisho la somo wa Kibawata parokia ya Karatu ya  Mtakatifu Yakobo  mtume Julai 25 ya kila mwaka.

Akizungumza kwa niaba ya wawakilishi wa walei, Mwenyekiti wa parokia Bw. Reginard Bayyo amesema kuwa parokia imeamua kufanya adhimisho la misa takatifu ya upatanisho kwa lengo la kuwaomba msamaha mapadri waliowahi kufanya utume katika parokia hiyo waliotangulia mbele ya haki na wanaofanya utume maeneo mbalimbali kwa yote waliyowakosea hasa padri Costigan ambaye anadaiwa kuondoka bila amani katika parokia hiyo na kurudi kwao  Ireland miaka ya 1972 ambapo walei wamelifikiria na kuona kuwa hakufanyiwa vizuri katika utume wake.

Katika adimisho hilo Mwenyekiti huyo ameomba msamaha kwa niaba ya walei parokia ya Karatu kwa kumpa majani kama ishara ya kuomba msamaha mwakilishi wa shirika la wapalotini padri John Onna na pia  kama ishara ya kuomba msamaha kwa niaba ya mapadri wote waliowahi kufanya utume katika parokia ya Karatu majani hayo alipewa padri John Qadwe.

Akielezea historia ya marehemu padri Costigan, Padri John Qadwe amesema kuwa marehemu alifanya kazi ya utume katika parokia ya Karatu miaka ya 1949 hadi 1972 ambapo alihamishwa kwenda kuanzisha parokia ya Endabash jimboni Mbulu lakini marehemu hakufurahishwa na uhamisho huo na kuamua kujifungia chumbani kwake siku tatu bila kula chochote na baada ya siku hizo aliondoka kwenda kwao bila kumuaga mtu yeyote.

Amesema kuwa kuondoka kimyakimya kwa marehemu padri Costigan kuliwafanya walei parokia ya Karatu kuwa na  wasiwasi kwamba hakufurahishwa na kitendo hicho, ndipo walipoamua kutafuta ndugu zake au mapadri wa Shirika lake kuwaomba msamaha kwa yote yaliyotokea miaka hiyo kwa kuwashirikisha mapadri wote waliowahi kufanya utume parokiani Karatu.

Mwakilishi wa Shirika la wapalotini padri Onna baada ya kupokea majani ya upatanisho kutoka kwa Mwenyekiti wa walei aliwashukuru kwa kutafuta upatanisho ambapo aliwaomba zoezi hilo liwe endelevu katika familia na jumuiya ndogondogo za kikristo.




Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more