MIAKA 21 REDIO MARIA TANZANIA YAFANA, PINDA ATOA RAI KWA WAAMINI

-
Viongozi wa Dini nchini wameshauriwa kutazama kwa kina mafundisho wanayoyatoa kwa waamini wao, hasa kwa wakati huu ambao dunia imemezwa na Utandawazi,  kwa kuyaelekeza zaidi katika kuamsha ari mpya ya kuokoa kizazi kijacho ambacho ni vijana na watoto, ambao wengi wao pia wamemezwa na mmomonyoko wa maadili.
Wito huo umetolewa hivi karibuni na Waziri Mkuu Mstaafu wa Jamhuri ya Muungano wa Tanzania, Mhe.Mizengo Pinda, wakati akiongoza maadhimisho ya Miaka 21 ya Uinjilishaji wa Redio Maria hapa nchini Tanzania, yaliyofanyika kitaifa katika viwanja vya Kanisa Kuu la Mtakatifu Anthony wa Padua, Jimbo Katoliki Mbeya.
Waziri Mkuu Mstaafu Pinda akiongelea suala zima la mmomonyoko wa maadili ambalo linaonekana kuwameza vijana wengi, amesema hali iliyopo sasa si alama nzuri kwa Kanisa la kesho, ambalo linategemea miito mitakatifu kutoka kwa kizazi hiki cha sasa, ambacho kinaonekana kumezwa zaidi na malimwengu na kujiweka nyuma katika masuala ya Imani.
Akitolea mfano ushiriki wa Jumuiya ndogondogo, amesema kuwa vijana wengi na watoto hawahudhurii huko, ikiwemo pia ushiriki wao kwa mambo ya Kanisa ni wakusuasua, huku akitolea mfano kwenye familia yake ambayo anaishi na vijana wengi, “Mfano pale nyumbani kwangu na Mama Pinda tunalea vijana wengi mno lakini katika suala la kusali na kwenda Jumuiya ni wazito sana, ikitokea tunawalazimisha kusali pamoja usiku sala wanazo sali nyingi hazina tafakari (meditation) na mara nyingi zinakuwa za harakaharaka, hali ambayo ni tofauti na unapowakuta wakiwa wanatizama luninga, kucheza game,au namna wanavyutumia muda mwingi katika simu zao za mkononi,” Amesema Pinda.
Aidha, amezikumbusha familia za kikristo kila moja kurejesha ule utamaduni wa zamani wa kusali pamoja usiku hasa sala ya Rozari Takatifu, sambamba na kuwafundisha watoto na vijana kusali kwa kutafakari, huku akizitaka familia kutokujisahau kwa kumezwa na majukumu na kusahau suala la malezi kwa familia zao, ikiwa ni pamoja na kuzungumza na kula pamoja nao hasa siku za mwisho wa juma na zaidi jumapili na siku nyingine za mapumziko.
Kwa upande wa redio Maria Tanzania, Waziri Mkuu Mstaafu ameishauri redio hiyo kuhakikisha kwamba inaandaa vipindi vyenye kuelimisha jamii kiimani, hasa kutoa mafunzo yanayoelekeza kuondokana na imani za kishirikina ambazo bado zipo katika jamii ya watanzania wa leo, ambapo akatolea mfano mauaji ya Albino,”Padri Maendeleo na timu yako nawashauri mjikite pia katika kutoa mafundisho yanayoelekeza watu kuondokana na dhana ya ushirikina, na badala yake muwaelekeze katika kufanya kazi kwa bidii na kuishi kwa kumtegemea Mungu zaidi,” amesema Pinda.
Aidha hakusita kuwasisitiza waandaaji wa vipindi kwenye redio za Kanisa kujitika zaidi katika kuandaa vipindi vingi vinavyojenga maadili kwa vijana, kwa lengo la kuimarisha miito na kujenga taifa lenye watu wanaofuata maadili hata katika kuwatumikia wanajamii, na vitakavyowajengea uaminifu katika imani yao hivyo wataondokana na dhana mbovu iliyopo kwa wakati huu ya waamini kuhama makanisa kila kukicha kwa lengo la kutafuta miujiza na vitakavyowafanya walipende Kanisa na wajisikie fahari kulitumikia.
Wakati huo huo, Askofu wa Jimbo Katoliki Mbeya Mhashamu Evarist Markusi Chengula I.M.C, aliyeongoza ibada ya misa Takatifu ya kilele cha maadhimisho ya miaka 21 ya  redio Maria Tanzania, amewashukuru viongozi wa redio hiyo akiwemo Rais Julius Kira na Mkurugenzi Padri John Maendeleo CSSp, kwa kupeleka maadhimisho hayo jimboni kwake, ambayo yamemfanya aweze kukaa meza moja na kuzungumza na viongozi wa Serikali ya mkoa ambao hajawahi kukutana nao na kuzungumza nao kwa kipindi chote cha uongozi wake kama Askofu wa Jimbo hilo.
Kilele cha Maadhimisho ya Miaka 21 ya Uinjilishaji wa redio Maria Tanzania tangu kuanzishwa kwake, kilifanyika Julai 2 mwaka huu, ambapo katika maadhimisho hayo aliyekuwa mgeni rasmi Mh Pinda aliongoza harambee ya kuiwezesha redio hiyo na zilipatikana jumla ya shilingi milioni 25, ahadi zikiwa ni shilingi 13,128,000 na pesa taslimu zikiwa ni shilingi 11,872,000.
Hata hivyo maadhimisho hayo yalitanguliwa na Hija ya kiroho ya siku 5 kwa mahujaji waliotoka katika majimbo Makuu ya Songea, Dar es Salaam, Mwanza na Arusha, pamoja na majimbo ya Zanzibar, Singida, Moshi, Iringa, Mpanda, Mtwara, Ifakara, Mbinga wakiwemo wenyeji Jimbo Katoliki Mbeya, walitembelea katika maeneo mbalimbali likiwemo Kanisa la Hija Mwanjelwa, kupanda mlima wa Hija Loleza, kutembelea daraja la Mungu na kushiriki mafundisho ya kiroho toka kwa mapadri mbalimbali wa Jimbo Katoliki Mbeya akiwemo Padri Anthon Makunde aliyewahi kuwa Katibu Mkuu wa Baraza la Maaskofu Katoliki Tanzania miaka ya nyuma.





















Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more