Kilele Jubilei miaka 100 upadri Tz

-
Zaidi ya 3000 kushiriki Dodoma

n  Na Pascal Mwanache, Dar

IMEELEZWA kuwa zaidi ya mapadri 1000, walei 1000 na watawa 1000 wanatarajiwa kushiriki maadhimisho ya kilele cha Jubilei ya Miaka 100 ya Upadri Tanzania, yanayotarajiwa kufanyika katika Jimbo Kuu Katoliki Dodoma mnamo Agosti 15, 2017.
Akiongea na Kiongozi hivi karibuni, Katibu wa Umoja wa Mapadri Tanzania (UMAWATA) Padri Jovitus Mwijage ametoa wito kwa mapadri, watawa na walei kujitokeza na kuthibitisha ushiriki wao katika maadhimisho hayo, kwa kulipia mchango wa shilingi 200,000/= ambapo itawawezesha kushiriki kilele hicho kuanzia Agosti 13 hadi 16.
Akielezea ratiba ya maadhimisho hayo, Padri Mwijage amesema kuwa washiriki wanatarajiwa kuwasili Dodoma Agosti 13 ambapo Misa ya ufunguzi itafanyika Agosti 14 kuanzia saa 2 asubuhi katika Kanisa Kuu la jimbo. Baada ya Misa Takatifu washiriki watapata fursa ya kushiriki semina ambapo mapadri watakuwa katika eneo lao huku waamini na watawa nao wakipatiwa semina hiyo katika eneo jingine.
“Semina ya kwanza kwa mapadri itatolewa na Askofu wa Jimbo Katoliki Bukoba Mhashamu Desderius Rwoma, na mada inasema ‘Sababu zinazoweza kusaidia upatikanaji wa miito kwa haraka. Mada ya pili itahusu ‘baada ya miaka 100 ya upadri, maisha yetu ya kiroho, mahusiano yetu kama mapadri na utume wetu uweje’ na mada hii itatolewa na Padri Titus Amigu” amesema.
Ameongeza kuwa katika kuelekea kilele hicho mapadri katika majimbo mbalimbali nchini wameshiriki katika kuzindua jubilei hiyo kijimbo pamoja na hija zilizolenga kuwaimarisha mapadri hao. Amesema kuwa Januari 24 hadi 28, 2017 mapadri walihudhuria semina iliyofanyika katika Baraza la Maaskofu Katoliki Tanzania (TEC) ambapo majimbo mbalimbali yalituma wawakilishi.
“Lengo la semina na hija mbalimbali zilizofanyika ni kupyaisha utume wa mapadri baada ya miaka 100 ya upadri. Tulifanya pia semina ya wakufunzi wa seminari za jimbo ambayo iliwakutanisha magombera wa seminari kubwa na ndogo na baadhi ya wakufunzi na wakurugenzi wa miito majimboni” amesema.
Pia ameeleza kuwa yeyote anayehitaji kushiriki maadhimisho hayo huko Dodoma anapaswa kutuma fedha za mchango na jina lake kwenye akaunti za UMAWATA au kwa kuwasiliana na wenyeviti wa umoja huo walioko majimboni au kwa kupiga namba 0765746644.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more