RAIS MAGUFULI KUMALIZA TATIZO LA MAJI SEKONDARI GEITA

-


WANAFUNZI wa Sekondari ya Kristo Mfalme Nyantakubwa katika Jimbo Katoliki Geita wameandamana hadi mbele ya Rais wa Jamhuri ya Muungano wa Tanzania Mhe. John Magufuli wakidai huduma ya maji.

Wanafunzi hao ambao walifika mbele ya Rais Magufuli eneo la Katunguru akiwa katika msafara wake kwenda kuzindua mradi mkubwa wa maji Wilayani Sengerema katika kijiji cha Nyamazugo, waliambatana na walimu wao na mapadri walezi wa shule hiyo huku wakiwa na bango lenye maandishi “Mhe. Rais Magufuli tunaomba utoe tamko kuhusu kilio chetu cha maji kijiji cha Nyantakubwa.”

Akizungumza na blog hii, Mkuu wa shule hiyo ya Sekondari ya wasichana ya Nyantakubwa padri George Nkombolwa amesema wamefikia uamuzi wa kwenda mbele ya Rais kufuatia kutelekezwa kwa Mradi wa maji wa vijiji vya Chamabanda Nyantakubwa, Nyamtelela na Kasungamile huku viongozi wa Halmashauri ya Wilaya ya Sengerema wakikaa kimya.

“Tatizo la maji ni kubwa sana kijijini Nyantakubwa na hasa kuendesha shule bila maji ni gharama kubwa sana. Tunasikitika hatuoni hatua zozote na mradi una karibuni miaka 5, hakuna matumaini,” amesema padri George.

Awali Mkurugenzi wa Halmashauri ya wilaya ya Sengerema Magesa Mafuru alipotembelea shuleni hapo alisema kuwa mradi huo wa maji ulikwama baada ya Mkandarasi aliyekuwepo kushindwa kazi na hivyo wamemuuzia mkandarasi mwingine atakayekamilisha kazi hiyo, lakini hakuna kinachofanyika.

Akizungumzia tatizo hilo Rais John Magufuli wakati wa hotuba yake kijijini Katunguru ameomba wananchi kuwa na subira kwani Serikali inafanyia kazi miradi mingi ya maji na kwamba yote haiwezi kuisha kwa siku moja.

“Tunafanyia kazi miradi mingi sana ya maji na tunafanikiwa. Lakini hatuwezi kukamilisha yote kwa siku moja...kwani hata Mungu aliumba hatua kwa hatua kwa siku sita na ya saba akapumzika.”

Wakati huo huo, Raisi John Magufuli amempongeza Paroko wa Parokia ya Nyantakubwa Jimboni Geita, padri George Nkombolwa kwa kutoa huduma nzuri ya elimu kwa wasichana.

Raisi amempongeza padri George wakati akiongea na wananchi wa Kijiji cha Katunguru akiwa njiani kwenda kuzindua mradi wa maji wilayani Sengerema.

“Nakupongeza sana Baba Paroko kwa kuelimisha wasichana. Ninyi wasichana someni kwa bidii na muache kudanganywa eti ËŠnakupenda`, acheni mambo hayo hadi mhitimu masomo. Naendelea kukazia tena..mtoto wa kike awe shule ya Msingi au Sekondari akipata mimba ndiyo basi hatarudi tena shuleni.  Ataenda huko awe mzazi na wazazi wenzake.” Rais amesema.

Mhe. Rais amesema pia kuwa kwa upande wa wavulana au wanaume watakaowapa mimba wanafunzi wajue kuwa miaka 30 inawasubiri jela.

Habari ambazo zimeifikia blog hii ni kuwa baada ya ziara ya Rais Magufuli kukamilika na kuelekea Wilayani Chato, Mhandisi wa maji Wilaya ya Sengerema Bw. Blaise amefika katika Shule ya Sekondari Yesu Kristo Mfalme Nyantakubwa siku ya Jumatano na kuahidi kuwa mkandarasi mpya amekwishapatikana na akaahidi kuwa maji yataanza kutoka baada ya miezi 6.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more