Mashemasi na Mafrateri waonywa kuepuka ubinafsi

-



n Na Thompson Mpanji, Mbeya
ASKOFU wa Jimbo Katoliki Mbeya Mhashamu Evarist Chengula (IMC) amewaalika mashemasi na mafrateri kuacha ubinafsi  na badala yake waendelee kudumisha umoja, mshikamano na upendo kama wanavyoishi sasa  huku akionesha matamanio yake ya kupata mashemasi na mafrateri  watanzania wenye asili ya Asia.
Akizungumza katika kikao cha mwaka  cha mashemasi na mafrateri kilichofanyika katika Ukumbi wa Parokia ya Mbeya Mjini, Askofu Chengula amewapongeza kwa kuishi kama ndugu wamoja na wazaliwa  wa Jimbo Katoliki Mbeya  licha ya kutoka maeneo mbalimbali  ndani na nje ya Tanzania.
Katika kikao hicho cha mwaka  mashemasi na mafrateri  kutoka nchi mbalimbali ikiwemo Nigeria, Benin na Jamhuri ya Kidemokrasia ya Kongo (DRC) pia nje ya Jimbo Katoliki Mbeya, Tanzania Bara na visiwani wamekuwa wakikutana  na Askofu kuzungumzia masuala ya  kimwili na kiroho.
“Ninawapongeza  mnavyoishi… kama  wote ni wazaliwa wa  Mbeya na muendelee kuwa na umoja, upendo na mshikamano huo huo kwani ninyi ni familia moja ya Yesu Kristo huku mkiendelea kumtanguliza Mungu ili  wote muweze kupitia madaraja yote matakatifu kadiri Mwenyezi Mungu atakavyopenda,”amesisitiza.
Aidha Askofu Chengula ameonesha matamanio yake  ya kupata mafrateri, mashemasi na hata mapadri raia  wa Tanzania  wenye asili ya Asia kutoka katika Jimbo lake, ”nimekuwa nikitamani sana  kupata mafrateri na mashemasi wahindi na wazungu lakini wawe wa Jimbo letu.”
Askofu Chengula amewaalika  kujiweka tayari  kwenda kufanya kazi za kichungaji katika majimbo mengine  nje ya Jimbo Mbeya na popote duniani kama walivyo mapadri  wa Jimbo ambao wanafanya kazi za kichungaji nje ya Jimbo.
“Muwe  na moyo wa utayari wa kwenda kufanya kazi  katika majimbo mengine kama kaka zenu(mapadri) kadiri ya uhitaji huku mkiondoa umimi mkiongozwa na Sala kuwa ndiyo mafuta ya safari yetu,” amesisitiza.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more