Wakristo watahadharishwa juu ya manabii wa uwongo.

-
ASKOFU Bruno Ngonyani wa Jimbo Katoliki Lindi amewataka wakristo kujihadhari na manabii wa uwongo wanaofika kwa kisingizio kuwa wana uwezo wa kuponya magonjwa na kutoa fedha bure.

Askofu Bruno Ngonyani ameyasema hayo hivi karibuni katika Dominika ya pili ya majilio wakati akihubiri katika Kanisa kuu la Mtakatifu Matias Mulumba mjini Songea.

Amesema  waamini wengi wamekuwa wakitekwa na baadhi ya wahubiri wanaojifanya wana uwezo wa kuponya magonjwa na kuwapatia fedha.

“ Tuwe waangalifu na wahubiri wanaosema wana uwezo wa kuponya magonjwa na kutengeneza pesa, tusiamini kila roho, tuzijaribu kama zimetoka kwa Mungu au la, kama ametoka kwa Mungu tumwamini na kama hajatoka kwa Mungu tuachane naye,” amesema Askofu Bruno Ngonyani.

Ameongeza kuwa, Yesu Kristo alisema angalieni mtu asiwadanganye, maana manabii wengi wa uwongo watatokea na kuwadanganya wengi msiwasadiki. Amesema Mungu anaruhusu mwanadamu apate maradhi  na anataka abandukane nayo kwa njia halali.

Pia amewataka waamini kuwa na imani thabiti isiyoyumbishwa na kuishi kama Yesu Kristo,  alivyoishi, kumtambua na kumkiri Yesu Kristu aliye Bwana, mwalimu na kiongozi  katika maisha ya Imani ya kikristo.

Akiwa jimboni Songea Askofu Bruno Ngonyani ameongoza misa takatifu ya mazishi ya Sister Maria Bernada Mbepera OSB wa shirika la Mtakatifu Agnes Chipole, ambapo amesema,”sisi ni raia wa mbinguni na msingi wa muungano wetu na Yesu Kristo ni ubatizo, ambamo tunapata hadhi na kufanyika kuwa watoto wa Mungu na warithi wa mbingu, hapa duniani tunakaa kwa muda tu na ikifika wakati tutapaswa kuondoka kwenda mbinguni kwenye makao ya kudumu.”

Sr. Bernada alikuwa muuguzi na mkunga na amewahi kufanya kazi ya utume katika hospitali ya Peramiho na Ikelu iliyopo katika jimbo la Njombe. Pia alikuwa mtu wa sala, mtii, mpole, mnyenyekevu, mwenye kujituma, mcheshi, mpenda amani, mvumilivu katika mateso,na  mpenda kutoa na kupokea ushauri.


Alizaliwa mwaka 1977, akajiunga na shirika la Mtakatifu Agnes Chipole mwaka 1997, alifunga nadhiri za kwanza mwaka 2004 na nadhiri za daima mwaka 2013.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more