KAULI: WOTE TUILINDE AMANI YETU

-

Taifa letu linatimiza miaka 55 tangu tupate uhuru kutoka kwa mkoloni mwingereza. Mara nyingi siku kama hizi huwa siyo za mchezo ama ‘kispotispoti’ kama vijana wa sasa wanavyoita siku hizi. Mataifa mengi, likiwemo letu pendwa siku kama hii huitumia kuangalia wapi limetoka na wapi linakwenda. Kumbukumbu hizi mara nyingi huwarudisha wananchi kwenye jasho, damu, machozi na zaidi FURAHA. Na ndiyo maana siku hii huwa ni ya mapumziko. Ni siku muhimu pia kwa nchi kutuma ujumbe kwa nchi zingine, uwezo kiulinzi na usalama pia maendeleo.
Ndiyo maana hata unapotimiza umri fulani basi mara nyingi utafanya sherehe kidogo kufurahia kufikisha idadi Fulani ya miaka. Siku hii huchagizwa na mapochopocho ya hapa na pale, keki, shampeni, vyakula mbalimbali na vinywaji na kuimbiwa juu, wengine siku hizi humwagiana ndoo za maji, kikubwa KUFURAHI. Kusali na kumwomba Mwenyezi Mungu kwa kufikisha umri huo na pengine akuongezee zaidi huwa ni jambo la msingi kuzidi mengine.
Si hivyo tu, bali mataifa mengine licha ya kutuma wawakilishi walau waje washuhudie shamrashamra za kusherehea uhuru, huja kwa lengo la kujifunza mambo kadhaa yakiwemo ya kimaendeleo, ili yafanyike pia nchini mwao.
Yapo mengi ya kujivunia sisi kama watanzania mpaka kufikia miaka 55. Moja kati ya mambo hayo ni taifa kuendelea kuwa na AMANI NA UTULIVU. Siyo siri kwamba kila kukicha ufunguapo luninga, redio ama kusoma magazeti na mitandao kadhaa, utakutana na migogoro katika mataifa kadhaa na kushuhudia madhara ya migogoro hiyo. Mauaji, ubakaji, wizi, uharibifu wa miundombinu, hofu, majonzi na maumivu vyote huonekana waziwazi.
Ni vyema kila mtanzania akahakikisha hali hii waliyoiasisi viongozi wa taifa hili hayati Mwalimu J.K.Nyerere na hayati Sheikh Abeid Amani Karume inaendelea kulindwa na kudumishwa kwa hali yoyote ile.
Hakuna unafuu wowote yanapotokea machafuko, hata kuyatibu makovu yatokanayo na machafuko kuyatibu siyo kazi ndogo hata kidogo. Zipo nchi zimeingia katika migogoro takribani miaka 50 iliyopita lakini licha ya kurejesha amani, bado makovu ya migogoro hiyo yapo. Wahenga walisema kinga ni bora kuliko tiba, hima watanzania tuungane katika kuilinda amani tuliyonayo.
MUNGU IBARIKI TANZANIA, MUNGU WABARIKI WATANZANIA.









Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more