Shinyanga washauriwa kusomesha watoto wa kike

-
ASKOFU wa Jimbo Katoliki Shinyanga Mhashamu Liberatus Sangu ametoa wito kwa  jamii kuwekeza zaidi katika elimu kwa kuwasomesha  watoto wa kike na kuacha mila na desturi mbaya ya kuwaozesha kwa tamaa ya ng’ombe.

Akiongea na wazazi na walezi katika mahafali ya 18 ya kidato cha nne ya shule ya sekondari ya Don Bosco iliyopo Didia jimboni Shinyanga, Askofu Sangu ameitaka jamii kuwekeza zaidi kwenye elimu kwa kutoa upendeleo kwa wasichana  kwa sababu ukimwelimisha  mtoto wa kike umeelimisha taifa.

Askofu Sangu amesema familia bora hutokana na mama aliyeelimika na kuitaka jamii kuacha mila na desturi mbaya zilizopitwa na wakati za kuwaozesha watoto wa kike katika umri mdogo kwa ajili ya tamaa ya mali na ng’ombe.

Amesema katika ukanda wa mkoa wa Shinyanga unaokabiliwa na changamoto ya mauaji ya vikongwe na watu wenye ulemavu wa ngozi ( albino )  kwa imani za kishirikina kutokana na ujinga na tamaa  ya mali jamii inatakiwa kupiga vita vitendo hivyo  kwa kuwekeza kwenye elimu  inayowajenga watu kwenye uelewa.

 “ Ujinga ni mbaya sana hasa kwa  nyakati  hizi ndiyo unaosababisha baadhi ya watu kuwaua wenzao kwa imani za kishirikina, huwezi  ukamtafuta Mungu kwa ujinga, tunahitaji  elimu ya ukombozi itakayotusaidia  kumjua  Mungu  katika maisha yetu,” amesema Askofu  Sangu.

Askofu  Sangu amewaasa vijana wanaohitimu elimu yao kuishi kwa matendo mema  na wawe mitume wa  upendo  kwa wazazi na walezi wao na mahala  popote  watakapoishi na wawe chimbuko la maendeleo  ya kiroho na kimwili huku akiwataka wasibweteke na elimu hiyo bali wajiendeleze zaidi.

Naye Mkuu wa shule ya Sekondari ya Don Bosco yenye wanafunzi mchanganyiko  wa kiume na kike Padri Richard Mtui katika taarifa yake amesema jumla ya wanafunzi 176 wamehitimu kidato cha nne na kuwataka kutumia malezi na  elimu  waliyoipata vizuri katika kupambana na changamoto mbalimbali katika maisha yao.


Kwa upande wake Padri  Mathias Isaka amewataka wazazi na walezi kuendelea kuwasaidia watoto  hao katika  kuwajenga kiroho na kimwili  juu ya kuwaasa, kuwakemea, kuwaonya kwa sababu dunia ya sasa vijana wanakabiliwa na changamoto nyingi ili  wasiweze kujiingiza katika makundi maovu yenye tabia mbaya miongoni mwa jamii.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more