‘Tusipokee Ekaristi Takatifu kwa mazoea’

-
“Acheni kupokea Ekaristi Takatifu ili muonekane kuwa mmekomunika, ili hali mnajua  kuwa hamustahili, kama haujaenda kwenye kitubio halafu ukapokea Ekaristi Takatifu,  unakuwa umeiba sakramenti”.
Hayo yameelezwa na Makamu wa Askofu wa Jimbo Katoliki Morogoro Padri Patrick Kung’alo alipokuwa akitoa sakramenti ya komunyo ya kwanza kwa vijana zaidi ya 30 pamoja na kuweka jiwe la msingi kwenye kanisa la Kigango cha Kristo Mfalme Parokia ya Bikira Maria wa Mlima Karmeli iliyopo Kihonda Magorofani linalotarajia kujengwa karibuni.
Padri Kung’alo amesema kuwa asilimia kubwa ya waamini  wamekuwa wakikomunika kama “fasheni” ili aonekane aidha kwa mavazi aliyovaa  na muonekano wake kwa ujumla huku wakisahau kuwa Ekaristi Takatifu siyo ya kufanyia mchezo.
“Wengi tunawaona wanakomunika ili waonekane walivyovaa na kupendeza au kwa kuwa wanaona kuwa kubaki peke yao kwenye viti watafikiriwa vibaya, matokeo yake wanaenda kukomunika hali ya kuwa wanajua  matendo hayo hayastahili.” amesema.
Ameongeza kuwa waamini wanapaswa watafakari kabla ya kwenda kukomunika ama sivyo sakramenti hiyo itawapeleka pabaya, kwa kuwa wanapoungamisha unakuta wanaoungama hawafiki hata 30 hawafiki lakini kwenye kukomonika wanakuwa wengi.
“Unakuta tunaungamisha waamini hawafiki 30 lakini kwenye kukomonika unajikuta unamaliza yale makombe hata matatu sasa unajiuliza hawa watu wamefanya wapi kitubio au ndio wapo safi hawajatenda dhambi?,” amesema Padri Kung’alo.
Ameongeza kuwa kama kweli waamini hawatendi dhambi kwa nini unakuta mtu na jirani yake hawasalimiani kufikia kuapizana vibaya , ndoa zinafuka moshi, umbea, masimango mawazo mabaya na mengine mengi ambayo ni dhambi lakini unakuta muumini anafukia hayo yote pasipo kutafakari kwa hayo yote kama anastahili kukomunika au la.

“Tusicheze na Ekaristi Takatifu, kama utaipokea ukiwa katika hali ambayo inatakiwa kwa kufanya kitubio ndipo upokee, itakupa uzima wa milele lakini kama  na wewe ni mmoja wa wale wanaopokea kwa fasheni itakupeleka pabaya. Hivyo tubu na uhakikishe uko safi na usikomunike kwa kuwa  unahisi utasemwa kwa nini haujakomunika, hali ya kuwa unajua moyoni unatakiwa utubu ndipo ukomunike,”  amesema Padri Kung’alo.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more