Ushirikina chanzo kikuu cha mauaji Kanda ya Ziwa - Askofu Kasalla

-
USHIRIKINA umetajwa kuwa sababu kubwa ya kukithiri kwa mauaji kwa Kanda ya Ziwa, na kwamba kuamini zaidi katika imani za kishirikina kuliko Mungu kunachochea wimbi hilo la mauaji.


Hayo yamebainishwa na Askofu Flavian Kasalla wa Jimbo Katoliki Geita katika ziara yake ya kichungaji aliyoifanya katika Parokia ya Bikira Maria wa Fatima iliyopo Geita mjini, iliyoambatana na utoaji wa Sakramenti ya Kipaimara kwa waamini 153 wa Parokia hiyo.

Askofu Kasala amesema kuwa tabia za kupiga ramli kwa waganga wa kienyeji ambao wengi huishia kuwa wachonganishi, zimekuwa kichocheo kikubwa cha mauaji ya vikongwe na watu wenye ulemavu wa ngozi ambao wamekuwa wakiishi kwa hofu kubwa ya kuuawa na watu wanaodaiwa kutafuta utajiri kwa kukatisha maisha ya wengine.

Aidha Askofu Kasalla ameiomba Serikali kuangalia upya Leseni za uganga walizozitoa kwa waganga hao, ambazo zimewapa uhalali wa kupiga ramli na kuhatarisha maisha ya wengine.

"Ndugu zangu wapendwa natumia fursa hii kuiomba serikali kuangalia upya leseni za waganga hawa wanaojiita wa tiba asilia, kwani wanarudisha nyuma jitihada zetu sisi viongozi wa dini kuwaelimisha watu kuacha kufikiri kuwa kila ugonjwa ni wa kurogwa. Naisihi serikali isaidieni sana kuokoa maisha ya watu kwa kuwadhibiti waganga hawa ambao ni hatari kwa ustawi wa watu kimwili na kiroho” ameeleza.

Pia Askofu Kasalla amewahimiza watu wote kuzitumia hospitali zilizo kwenye maeneo yao ili wapate vipimo na tiba sahihi za afya zao,  badala ya kukimbilia kwenye ramli ambazo zinazidi kuwajaza watu ujinga wa ushirikina. Ameonya hali hiyo isipodhibitiwa vizazi hata vizazi vitaendeleza dhana hizo za kishirikina na kuishia kuuana bila hatia yoyote.

Askofu Kasalla amekemea vikali utoaji mimba kwa akina mama akisema kuwa kitendo hicho ni kiovu na dhambi kubwa mbele ya Mungu. Ametoa wito kwa waamini wa namana hiyo kuiendea haraka Sakramenti ya Upatanisho ambapo amewaalika kwake wote waliowahi kutoa mimba ili wakajipatanishe na Mungu na kuwekwa huru na kifungo hicho cha mauaji.


Katika kuhakikisha kuwa Jimbo la Geita linazidi kutoa huduma muhimu za Kijamii Askofu Kasalla amesema anakusudia kuanzisha kituo kikubwa cha Afya ambacho baadaye kitaendelezwa na kuwa Hospitali kubwa ya kuwafaa watu wengi, pia shule ya sekondari ya mchanganyiko itakayoanzia kidato cha kwanza hadi cha sita ambapo hatua za awali zimeanza.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more