BENKI YA MKOMBOZI YATOA MSAADA KWA WAATHIRIKA WA TETEMEKO KAGERA

-


Mkuu wa Mkoa wa Kagera, Meja Jenerali (mstaafu) Salum Kijuu akipokea msaada wa mabati na mifuko ya simenti kutoka kwa mwenyekiti wa Bodi ya Mkombozi Commercial Bank Plc, Method A. Kashonda ili kuwasaidia waathirika wa tetemeko la ardhi lililotokea katika mkoa wa Kagera. Wengine kushoto ni Mkurugenzi Mtendaji wa benki hiyo Edwina Lupembe na Meneja wa Tawi la Bukoba, James Manyama. Picha kwa hisani ya Executive Solutions.


Benki ya biashara ya Mkombozi imetoa msaada wa vifaa mbalimbali kwa waathirika wa tetemeko lililoukumba mkoa wa Kagera hivi karibuni.
Msaada huo ni pamoja na mifuko mia mbili( 200)  ya saruji na mabati mia moja (100) ambayo utasaidia kujenga baadhi ya nyumba zilizoharibiwa na tetemeko hilo.
Mwenyekiti wa bodi  ya benki ya biashara ya  Mkombozi bwana Method Kashonda  amesema wameguswa kwa namna ya kipekee na janga hilo hivyo kuamua kuungana pamoja na watanzania wengine kuwasaidia waathirika wote ili waweze kurudi katika hali yao ya kawaida.
“Ni jambo la kuhuzunisha hasa kwa familia zilizopoteza wapendwa wao katika tetemeko hili, tunawaombea Mungu awape nguvu na kwa waliobaki tunaomba wavute subira kwani janga hili ni la kila Mtanzania”. Amesema.
Amesema wao wameathirika moja kwa moja pia kwa sababu benki hiyo ina tawi mjini Bukoba na baadhi ya wafanyakazi waliguswa moja kwa moja na maafa hayo.
Akipokea msaada huo, Mkuu wa mkoa wa Kagera, Meja Jenerali (mstaafu) Salum Kijuu  ameishukuru benki ya Mkombozi kwa moyo wa kizalendo na kusema msaada huo utachanganywa na mingine ili ikasaidie wale walioathirika na tetemeko hilo.
“Mahitaji ni mengi na tunashukuru kwa muitikio wenu kuja kuungana mkono na watanzania wengine katika janga hili”. Amesema.
Wafanyakazi wa benki hiyo pia walipata nafasi ya kutembelea baadhi ya maeneo yaliyoathiriwa na tetemeko hilo na kuwapa pole baadhi ya waathirika.
Benki ya biashara ya Mkombozi ilianzishwa mwaka 2009 na kanisa Katoliki Tanzania na taasisi zake kwa madhumuni ya kusaidia wafanyabiashara wadogo, wa kati na wakubwa kupata huduma za kifedha. 
Ili kutanua wigo zaidi, waanzilishi wa benki hiyo walitoa nafasi kwa watanzania wengine wakiwemo wafanyabiashara na wawekezaji ili kuongeza nguvu.
Benki hiyo ina matawi sita yakiwemo matawi matatu Dar es Salaam, moja Mwanza jingine Moshi na Bukoba pamoja na vituo vya huduma za kibenki Morogoro na Tegeta Dar es Salaam.

Na mwandishi wetu

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more