Kard. Pengo: Bikira Maria ni matumaini ya amani ulimwenguni

-
Rais wa Radio Maria Tanzania Humphrey Kira akimpokea Mwadhama Polycarp Kardinali Pengo alipowasili Makao Makuu ya Radio Maria Tanzania kuzindua Groto ya Bikira Maria. Kushoto ni Mkurugenzi wa Radio Maria Tanzania Padri John Maendeleo (Picha na Pascal Mwanache)


ASKOFU Mkuu wa Jimbo Kuu Katoliki Dar es salaam, Mwadhama Polycarp Kardinali Pengo amesema kuwa Bikira Maria ni chimbuko la Baraka na matumaini ya amani, siyo tu kwa taifa la Tanzania, bali kwa ulimwengu mzima.
Ameeleza hayo hivi karibuni katika uzinduzi wa Groto ya Bikira Maria, uliofanyika katika Ofisi za Makao Makuu ya Radio Maria Tanzania, Mikocheni, jijini Dar es salaam, na kuwataka waamini kutoka sehemu mbalimbali kutumia Groto hiyo ili kujichotea za Mungu kupitia maombezi ya Mama Maria.
“Natumaini na ni ombi langu kwenu kuwa Grotto hili halitakaa bure. Wale wote tuliopo hapa na wale waliopo popote, mtakapopata nafasi ya kutembelea Makao Makuu ya Radio Maria Tanzania, msikose kupita hapa kumsalimia huyu Mama. Huyu Mama ni chimbuko la neema, chimbuko la Baraka na ni matumaini ya amani, siyo tu kwa  ajili ya Taifa letu bali kwa ulimwengu mzima. Tumtembelee na tumuombe amani kwa ajili ya ulimwengu wote” ameasa Kardinali Pengo.
Aidha Kardinali Pengo amewashukuru waamini kutoka sehemu mbalimbali ambao wamefanikisha kukamilika kwa Groto hiyo kupitia michango yao ya hali na mali. Ameongeza kuwa hata uwepo wake katika kushuhudia uzinduzi huo umetokana na Baraka za Mungu kupitia kwa Mama Maria.
“Siku ya leo ni ya kumbukumbu kubwa kwa Radio Maria Tanzania na ulimwengu mzima. Tunawashukuru wale wote, waliochangia kwa namna moja ama nyingine kutengeneza Grotto ya Mama Bikira Maria. Mimi  namshukuru Mungu na Mama Maria kwa namna ya pekee ambaye ameniwezesha kuwa hapa pamoja nanyi, kwa sababu kulikuwa na vizuizi na matatizo mengi ambayo yangeweza kunifanya nishindwe kuhudhuria” ameeleza.
Kwa upande wake Rais wa Radio Maria Tanzania, amewashukuru wote waliojitoa na kufanikisha kukamilika kwa Groto hiyo, huku akitoa mwaliko kwa waamini kuitumia Groto hiyo kuomba Baraka za Mungu kw maombezi ya Mama Maria.
“Tunapenda kuwashukuru wote waliojitoa kwa hali na mali katika kufanikiha ujenzi huu. Tunawakaribisha wafike hapa Mikocheni kwa ajili ya kujichotea neema na Baraka za Mungu kupitia Mama yetu Bikira Maria” amesema.

Naye Mkurugenzi wa Radio Maria Tanzania Padri John Maendeleo amesema kuwa ujenzi wa Groto hiyo umewezeshwa na michango ya waamini kutoka maeneo mbalimbali, huku akitoa rai kwa watu wote kuitumia Groto hiyo kwa ajili ya kuomba Neema na maombezi ya Mama Maria.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more